Facebook aktsionerleriniń keibiri derekterdiń úshinshi bireýge qoljetimdi bolǵanynan týyndaǵan janjaldan keiin kompaniia quny túsip ketti dep narazylyq bildirip jatyr.
Amerikalyq Facebook kompaniiasynyń aktsionerleri áleýmettik jeliniń negizin qalaýshy Mark Tsýkerberg "basqarma basshynyń ornynan ketsin" degen talap qoiyp otyr. Tiisti habarlama aktsionerlerdiń jyldyq keńesiniń qarsańynda AQSh Baǵaly qaǵazdar jáne birja komissiiasynyń saitynda jariialandy.
Jyldyq keńes 30 mamyrda bolýy kerek. Otstavkaǵa shaqyrǵandardyń jazýynsha, 2018 jyldyń shilde aiynan beri basshylyq pen basqarmanyń sheshimderinen keiin Facebook quny 40% arzandap ketken. Budan basqa keibir aktsionerlerdiń quqyǵy daýys berýde shektelip otyr eken.
Tsýkerbergke aktsiialardyń tek 13% , biraq daýys berý úlesiniń 51% ózine tiesili. Sondyqtan ol Facebook saiasatyn jalǵyz ózi-aq baqylai alady.
2018 jyldyń basynda Facebook tarihynda alǵash ret eń iri buzýshylyq tirkeldi. Paidalanýshylardyń jeke derekterine qol suǵyldy. Cambridge Analytica kompaniiasy jeliniń 87 million paidalanýshysynyń derekterin zańsyz jinap, olardy úshinshi bireýlerge bergen. Aldyn ala málimetterge qaraǵanda, bul derekter AQSh-tyń qazirgi prezidenti Donald Tramptyń sailaý aldy shtabyna berilýi múmkin. Ol ony óziniń saiasi jarnamasy úshin paidalanýy yqtimal.
2018 jyldyń sáýir jáne mamyr ailarynda Mark Tsýkerberg AQSh Kongresinde jáne Eýroparlamentte qatesin moiyndady jáne derekterge basqalardyń qol suqqany úshin keshirim surady.
