Amerikanyń Facebook kompaniiasy aldaǵy úsh jylda aqparat indýstriiasyn qoldaý úshin 1 mlrd dollar qarjyny investitsiialaýdy josparlap otyr. Bul týraly kompaniianyń jahandyq saiasat jáne kommýnikatsiialar jónindegi vitse-prezidenti Nik Klegtiń sársenbi kúni jariialaǵan bloktaǵy málimdemesinen belgili boldy, dep jazady TASS.
Avstraliia biligimen daýly jaǵdaidy retteý týraly túsinikteme bergen Klegg Facebook-tiń jańalyq taratýshy basylymdarmen seriktestik qatynastardy retke keltirýge nietti ekenine sendirdi.
«Sondyqtan biz 2018 jyldan beri aqparat indýstriiasyn qoldaýǵa 600 mln dollar investitsiialap, aldaǵy úsh jylda taǵy 1 mlrd dollar qarjyny investitsiialaýdy josparlap otyrmyz», - dep aqparattandyrdy ol.
Facebook vitse-prezidenti amerikalyq kompaniianyń ótken aida The Guardian, The Daily Telegraph, Financial Times, Daily Mail, Sky News jáne taǵy basqa BAQ-tardyń áleýmettik jelidegi paraqshalarynda ornalastyrylǵan kontent úshin tólem jasaý boiynsha kelisim jasalǵanyn eske saldy.
Osyǵan uqsas kelisimder amerikalyq aqparat taratýshy basylymdarmen jasaldy, sonymen qatar Germaniia jáne Frantsiia elderiniń buqaralyq aqparat quraldarymen belsendi kelissózder júrgizilip jatyr.
