Astana qalasyndaǵy respýblikalyq «Áziret Sultan» meshitinde QMDB tóraǵasy, Bas múfti Serikbai qajy Satybaldyulynyń qatysýymen jalpy jiyn ótti. Bul týraly Qazaqstan Musylmandary Dini basqarmasynyń resmi saity habarlady.
Apta basyndaǵy alqaly jiynda Bas múfti Serikbai qajy Satybaldyuly óziniń jańa buiryǵy boiynsha, birinshi naib múfti Naýryzbai qajy Taǵanulynyń respýblikalyq «Áziret Sultan» meshitiniń Bas imamy jáne Astana qalasynyń ókili bolyp taǵaiyndalǵanyn jetkizdi.
Jinalys barysynda jyl basynan bergi jaǵdailardy saraptai kele Elordamyzdyń dini ómirine yqpaldy ózgerister engizip, jandandyra túsýge Naýryzbai qajy Taǵanulyndai bilikti basshynyń qajet ekenin atap ótti. Jaqynda ǵana jańadan ashylǵan Túrkistan oblysyndaǵy QMDB Keńsesiniń jumysyn da jolǵa qoiyp, jańa qurylymǵa jan bitirgen qyzmetin de airyqsha baǵalaitynyn atap ótti.
