QR Parlamenti men máslihattar depýtattaryn sailaýda «Nur Otan» partiiasy sailaýshylardyń 71,97 paiyz daýysyn ielendi, dep habarlaidy "Ult aqparat".
«Qoǵamdyq pikir institýty 10 qańtar kúni sailaý ýchaskelerinen shyǵa beriste azamattarǵa saýalnama - Exit poll júrgizdi. Institýttyń interviýerleri 600 sailaý ýchaskesinde saýalnama ótkizdi. Onyń ishinde - 316-sy qalada, 284-i aýylda. Saýalnama Nur-Sultan, Almaty, Shymkent qalalaryn, barlyq oblys ortalyqtaryn, aýdandyq mańyzy bar qalalardy, shaǵyn qalalardy jáne aýyldyq eldi mekenderdi qamtydy. Kúni boiy saýalnamanynyń 4 tolqyny ótkizildi. Nátijesinde 24 myń sailaýshyǵa saýalnama júrgizildi. Saýalnama qateligi 2 paiyz shamasynda. Saýalnama júrgizý jumysyna 600-den astam interver atsalysty», - dedi «Qoǵamdyq pikir» zertteý institýtynyń direktory Ainur Májitova Ortalyq kommýnikatsiialar qyzmetindegi brifing barysynda.
Onyń dereginshe, respondentterdiń 5,75 paiyzy «Aýyl» halyqtyq-demokratiialyq patriottyq partiiasyna, 71,97 paiyzy «Nur Otan» partiiasyna, 3,07 paiyzy «ADAL» saiasi partiiasyna, 10,18 paiyzy Qazaqstannyń «Aq jol» demokratiialyq partiiasyna, 9,03 paiyzy «Qazaqstannyń Halyq partiiasyna» daýys bergen.
Parlament Májilisine kelý úshin partiialar jeti paiyz kedergini eńserýi qajet. Palata keminde eki partiianyń qatysýymen qurylady. Eger sailaýshylar daýysynyń jeti paiyzyn tek bir saiasi partiia alatyn bolsa, onda depýtattyq mandattardy bólýge osy saiasi partiianyń tizimi, sondai-aq daýys berýge qatysqan sailaýshylar daýysynyń eń kóp sanyn alǵan partiianyń partiialyq tizimi jiberiledi.
Aita keteiik, «Qazaqstan Respýblikasyndaǵy sailaý týraly» Konstitýtsiialyq zańnyń 28-baby 9-tarmaǵyna sáikes kandidatty qoldap daýys berýge qatysty qoǵamdyq pikirge suraý salý nátijesin, boljamdary men ózge de zertteýler daýys berý kúninde jariialaýǵa ruqsat etilmeidi. Iaǵni, nátijeleri daýys berý aiaqtalǵannan keiin ǵana jariialanýy tiis.
Esterińizge sala ketsek, Konstitýtsiialyq merzimge sai ótken Májilis sailaýynda elimizde tirkelgen 5 saiasi partiia, atap aitqanda, «Aýyl» halyqtyq-demokratiialyq patriottyq partiiasy, «Nur Otan» partiiasy, «ADAL» saiasi partiiasy, Qazaqstannyń «Aq jol» demokratiialyq partiiasy, «Qazaqstannyń Halyq partiiasy» depýtattyq mandattan úmitti. Bul partiialar barlyq deńgeidegi jergilikti máslihattarǵa da kandidattaryn usynǵan.
Májiliske 5 partiiadan barlyǵy 312 kandidat, onyń ishinde: «Aýyl» halyqtyq-demokratiialyq patriottyq partiiasynan 19; «Nur Otan» partiiasynan 126; «ADAL» saiasi partiiasynan 16; Qazaqstannyń «Aq jol» demokratiialyq partiiasynan 38 jáne «Qazaqstannyń Halyq partiiasynan» 113 adam bar.
Al jergilikti máslihattarǵa 832, onyń ishinde «Aýyl» HDPP-nan – 158, «Nur Otan» partiiasynan - 216, «ADAL» SP-nan – 215, «Aq jol» QDP-nan – 174, «Qazaqstan Halyq partiiasynan» 69 partiialyq tizim tirkelgen.
