Saiasattanýshy Baýyrjan Serikbaev sailaýǵa bailanysty exit poll nátijesine qatysty pikir bildirdi, dep habarlaidy "Ult aqparat".
Sarapshy oiyn birneshe bólimge bólip bildirgen. Facebook paraqshasynda jazǵandai , qazirgi jaǵdai tómendegidei:
1. Sailaýǵa bir ai qalǵanda rebrending jasap, «Biz kelsek bárin ózgertemiz» degen ýádege qoǵam sene qoimaitynynyń kórsetkishi.
2. Saiasi partiia degenimiz sailaýǵa bir ai qalǵanda emes, turaqty túrde halyqpen jumys isteýi kerektiginiń nátijesi.
3. Parlamentke óte almaǵan partiialar aldaǵy 5 jyldan keiin bolatyn sailaýǵa dál qazir, búginnen, tipti osy minýttan bastap daiyndalýy qajettiginiń dáleli.
4. Biikte otyrǵan partiia 2016 jylmen salystyrǵanda (82%) 2021 jyly 10%-ke az daýys aldy. Bul da partiiany oilandyrýy tiis.
5. Eń bastysy ár sailaýda eldegi bar 6 saiasi partiialar bir saty kóterilip, saiasi turǵyda óse túsýi kerek.
6. Sailaý ákelgen jańalyqtardyń biri praimeriz bolsa, ekinshisi «Adal» atty partiia saiasat sahnasyna shyqty. Úshinshisi kommýnister ózgerip, saiasi turǵyda basqa ideologiialyq sipat aldy.
7. Sailaý bastalǵaly beri «Rebrending ótkizý, bir ai qalǵanda belsený Qazaqstan sharttarynda qalai jumys ister eken» dep júr edim. Nátijesi tómendegidei. Resmi jaýap shyqqansha kúteiik. Biraq kóp dúnie ózgermeidi-aý.
8. Áleýmettik jelide emes, tikelei halyqpen jumys isteý kerektiginiń bir kórinisi sekildi.
9. Menińshe bizde jańa saiasi partiia qurylyp, jańa lep kelýi de kerek. Bul bizdi basqa deńgeige kóteredi.
10. Parlamentke óte almaǵan partiialar aimaqtarda belsenip, aldaǵy ýaqytta elmen tyǵyz jumys isteidi dep senemiz.
11. Shyny kerek byltyrǵy sailaý, biylǵy jaǵdailardy saraptap, osyndai nátije shyǵatynyn kóbi ishtei bildi de negizi. Sol boldy da. Úmit te boldy...
12. Óz basym Parlamentke az kandidat usynǵanyn túsine almap edim. Azshylyqpen ýádeni oryndaý, al Parlamentte oryndaý múldem qiyn ǵoi... Tipti múmkindigi az dúnie saiasatta.
«Degenmen resmi jaýap erteń shyǵyp qalar. Kúteiik...» - deidi Baýyrjan Serikbaev.
Aita keteiik, buǵan deiin «Qoǵamdyq pikir» zertteý institýty men «Demokratiia institýty» Exit poll qorytyndysy jariialanǵan bolatyn.
