- Izrail memleketi Ońtústik Qazaqstanda arnaiy aýyl sharýashylyǵy ýchaskesin ashpaqshy. Onda evreilerdiń ozyq texnologiialary negizinde aýal sharýashylyǵy ónimderin ósirý tájiribesi kórsetiledi, dep xabarlaidy "Ult aqparat".
Izraildiń Qazaqstandaǵy Tótenshe jáne Ókiletti elshisi Mixael Brodskiidiń aitýynsha, Izrail premer-ministri Biniamin Netaniaxýdyń Qazaqstanǵa jasaityn resmi sapary aiasynda aýyl sharýashylyǵy salasynda ózara yntymaqtastyq týraly kelisimge qol qoiylady.
«Atalǵan qujat Ońtústik Qazaqstanda aýyl sharýashylyǵy klasterin qalyptastyrýǵa arnalyp otyr. Biz osy máseleni oblys ákimdigimen de talqylaǵan bolatynbyz. Negizgi maqsat - aýyl sharýashylyǵyna arnalǵan demostratsiialyq ýchaskeni ashý. Onda osy saladaǵy Izraildiń texnologiialary ornatylady. Sonyń negizinde aýyl sharýashylyǵy ónimderi ósiriledi. Artynan ony ishki naryqqa, ia bolmasa, syrtqa sata ma, ony áli de talqylaityn bolamyz», - dedi M.Brodskii Astanada ótken baspasóz máslixatynda.
Aita keteiik, aldaǵy sársenbi, jeltoqsannyń 14-i kúni Izraildiń premer-ministri Biniamin Netaniaxý Qazaqstanǵa resmi saparmen keledi. Premer-ministrmen birge ishinde buqaralyq aqparat quraldary, sondai-aq 70-ke jýyq biznesmender bar úlken delegatsiia bolady. Olar Qazaqstan-Izrail biznes-forýmyna qatysady. B.Netaniaxýnyń ózi aldymen Aqordaǵa baryp, Memleket basshysy Nursultan Nazarbaevpen kezdesedi. Sosyn Parlament Senatynyń tóraǵasymen kezdesedi degen jospar bar. Bul sońǵy 25 jylda Izrail premer-ministriniń Ortalyq Aziiaǵa jasaityn alǵashqy sapary bolmaq. Osy sapar aiasynda Izrail men Qazaqstannyń arasynda tikelei áýe reisi ashylýy ábden múmkin.
.jpeg)