Everest taýynyń shyńyna shyǵar jolda amerikandyq jáne shveitsariialyq eki alpinist qaza tapty. Bul týraly Agence France Presse agenttigi habarlady.
Nepaldyń Seven Summit Trek Mingma Sherpa týristik operatory ókiliniń aitýynsha, shveitsariialyq alpinist taý shyńynda álsireýden kóz jumǵan. Amerikandyq áriptesi «Hillari satysy» ýchaskesine deiin jetip, onda álsireý jáne oftalmiiadan qaitys boldy.
Týroperator basshysy Chhang Dava Sherpa Instagram-daǵy jeke paraqshasynda mert bolǵandardyń otbasylaryna kóńil aitty. «Biz olarǵa qosymsha ottegi jáne qajetti azyq-túlikti jiberdik, biraq ókinishke qarai sherpter ony (shveitsariialyq alpinisti) qutqara almady. Sherptiń ottegi jáne qosymsha qoldaý jetkizýiniń arqasynda amerikandyq alpinist Ońtústik bóligine deiin aman jetti, biraq sol jerde kóp uzamai kóz jumdy», - dep jazdy ol.
Agenttiktiń naqtylaýynsha, qazirgi kezde aýa raiynyń qolaisyzdyǵy alpinistterdiń máiitterin tómen túsirip, otandaryna jetkizýge múmkindik bermei jatyr.
