Eýropa parlamenti Eýropalyq odaqtyń jańa vizalyq kodeksin bekitti. Qujat EO-ǵa kirmeitin 100-den astam memlekettiń azamattaryna viza berý tártibi men sharttaryn retteidi, dep habarlaidy QazAqparat.
«Eýroodaq qysqa merzimdi vizalarǵa ótinim joldaý jáne olardy berý protsedýralaryn jeńildetedi, sondai-aq EO-ǵa kirmeitin eldermen migratsiia salasyndaǵy yntymaqtastyqqa túrtki bolýy úshin óziniń viza saiasatyn paidalanatyn bolady», - delingen Eýroparlament habarlamasynda.
Atap aitqanda, ózgerister 90 kúnge deiingi qysqa merzimdi saparlarǵa qatysty. Bul rette, adal nietti saiahatshylar úshin protsedýralar jeńildeidi.
Jańa erejege sáikes, viza alýǵa ótinish sapar josparlanǵan kúnge deiin alty ai ishinde (qazirgi úsh aidyn ornyna) jáne kem degende 15 kún buryn berilýi tiis. Al teńizshiler toǵyz ai buryn da tapsyra alady.
Budan bólek, vizanyń quny 60 eýrodan 80 eýroǵa qymbattady. Degenmen, 18 jasqa deiingi jasóspirimder men 6 jasqa deiingi balalarǵa jeńildikter qarastyrylǵan. Ǵalymdar men stýdentter burynǵysha vizalyq alymnan bosatylǵan.
Viza alymynyń mólsheri, ótinishter boiynsha sheshim qabyldaý ýaqyty, vizanyń birneshe ret kirýge jaramdy bolatyn ýaqyty siiaqty keibir erejeler EO men áriptes memleket arasyndaǵy yntymaqtastyqtyń deńgeiine qarai árkelki bolýy múmkin.
Jańa erejeni EO Keńesi bekitýi tiis. Odan ári EO-nyń resmi jýrnalynda jariialanǵannan keiingi alty aidan soń kúshine enedi.
Qazirgi kezde Shengen aimaǵyna kirý úshin 100-den astam eldiń azamattaryna viza resimdeý qajet. Sońǵy birneshe jylda viza alýǵa tapsyrylǵan ótinishterdiń kólemi 50% artqan. Atap aitqanda, 2009 jyly 10,2 million ótinish berilse, 2016 jyly olardyń sany 15,2 millionǵa jetken.
Aita keteiik, Eýrokomissiianyń derekteri boiynsha, Eýropa elderiniń ekonomikasynda týrizm indýstriiasy mańyzdy ról atqarady. EO jalpy ishki ónimindegi týrizmniń úlesi shamamen 10%.
