ەۋروپا پارلامەنتٸ ەۋروپالىق وداقتىڭ جاڭا ۆيزالىق كودەكسٸن بەكٸتتٸ. قۇجات ەو-عا كٸرمەيتٸن 100-دەن استام مەملەكەتتٸڭ ازاماتتارىنا ۆيزا بەرۋ تەرتٸبٸ مەن شارتتارىن رەتتەيدٸ, دەپ حابارلايدى قازاقپارات.
«ەۋرووداق قىسقا مەرزٸمدٸ ۆيزالارعا ٶتٸنٸم جولداۋ جەنە ولاردى بەرۋ پروتسەدۋرالارىن جەڭٸلدەتەدٸ, سونداي-اق ەو-عا كٸرمەيتٸن ەلدەرمەن ميگراتسييا سالاسىنداعى ىنتىماقتاستىققا تٷرتكٸ بولۋى ٷشٸن ٶزٸنٸڭ ۆيزا ساياساتىن پايدالاناتىن بولادى», - دەلٸنگەن ەۋروپارلامەنت حابارلاماسىندا.
اتاپ ايتقاندا, ٶزگەرٸستەر 90 كٷنگە دەيٸنگٸ قىسقا مەرزٸمدٸ ساپارلارعا قاتىستى. بۇل رەتتە, ادال نيەتتٸ ساياحاتشىلار ٷشٸن پروتسەدۋرالار جەڭٸلدەيدٸ.
جاڭا ەرەجەگە سەيكەس, ۆيزا الۋعا ٶتٸنٸش ساپار جوسپارلانعان كٷنگە دەيٸن التى اي ٸشٸندە (قازٸرگٸ ٷش ايدىن ورنىنا) جەنە كەم دەگەندە 15 كٷن بۇرىن بەرٸلۋٸ تيٸس. ال تەڭٸزشٸلەر توعىز اي بۇرىن دا تاپسىرا الادى.
بۇدان بٶلەك, ۆيزانىڭ قۇنى 60 ەۋرودان 80 ەۋروعا قىمباتتادى. دەگەنمەن, 18 جاسقا دەيٸنگٸ جاسٶسپٸرٸمدەر مەن 6 جاسقا دەيٸنگٸ بالالارعا جەڭٸلدٸكتەر قاراستىرىلعان. عالىمدار مەن ستۋدەنتتەر بۇرىنعىشا ۆيزالىق الىمنان بوساتىلعان.
ۆيزا الىمىنىڭ مٶلشەرٸ, ٶتٸنٸشتەر بويىنشا شەشٸم قابىلداۋ ۋاقىتى, ۆيزانىڭ بٸرنەشە رەت كٸرۋگە جارامدى بولاتىن ۋاقىتى سيياقتى كەيبٸر ەرەجەلەر ەو مەن ەرٸپتەس مەملەكەت اراسىنداعى ىنتىماقتاستىقتىڭ دەڭگەيٸنە قاراي ەركەلكٸ بولۋى مٷمكٸن.
جاڭا ەرەجەنٸ ەو كەڭەسٸ بەكٸتۋٸ تيٸس. ودان ەرٸ ەو-نىڭ رەسمي جۋرنالىندا جارييالانعاننان كەيٸنگٸ التى ايدان سوڭ كٷشٸنە ەنەدٸ.
قازٸرگٸ كەزدە شەنگەن ايماعىنا كٸرۋ ٷشٸن 100-دەن استام ەلدٸڭ ازاماتتارىنا ۆيزا رەسٸمدەۋ قاجەت. سوڭعى بٸرنەشە جىلدا ۆيزا الۋعا تاپسىرىلعان ٶتٸنٸشتەردٸڭ كٶلەمٸ 50% ارتقان. اتاپ ايتقاندا, 2009 جىلى 10,2 ميلليون ٶتٸنٸش بەرٸلسە, 2016 جىلى ولاردىڭ سانى 15,2 ميلليونعا جەتكەن.
ايتا كەتەيٸك, ەۋروكوميسسييانىڭ دەرەكتەرٸ بويىنشا, ەۋروپا ەلدەرٸنٸڭ ەكونوميكاسىندا تۋريزم يندۋستريياسى ماڭىزدى رٶل اتقارادى. ەو جالپى ٸشكٸ ٶنٸمٸندەگٸ تۋريزمنٸڭ ٷلەسٸ شامامەن 10%.
