Eýroparlament Reseidi terrorizmdi demeýshi el dep taný týraly qaýly qabyldady jáne ony tiisti tizimge engizdi. Qarar EO músheleriniń daýys berýi barysynda qabyldanǵan. Qujat organnyń resmi saitynda jariialanǵan, - dep habarlaidy Massaget.kz portaly Lenta.ru saityna silteme jasap.
Eýroparlament saity málimetinshe, Reseidi terrorizmdi demeýshi memleket dep jariialai otyryp, Eýroparlament depýtattary Resei prezidenti Vladimir Pýtin men Resei úkimetin halyqaralyq tribýnal aldynda jaýapqa tartý úshin joba daiyndaýǵa nietti. Mundai anyqtama berilse, belgili bir elge EO-men aradaǵy qarym-qatynasta qatań sanktsiialar men shekteýler engiziledi.
Sheshim "Ýkraina men onyń azamattaryna shabýyl bastalǵannan beri jasalǵan qatygez jáne adamgershilikke sai kelmeitin áreketterge" bailanysty qabyldanǵan. Resei Federatsiiasynyń Ýkrainanyń beibit turǵyndaryna jasaǵan qasaqana shabýyldary men qatygezdikteri, azamattyq infraqurylym nysandarynyń joiylýy jáne adam quqyqtary men halyqaralyq gýmanitarlyq quqyqtyń basqa da aýyr quqyqbuzýshylyqtary Ýkraina halqyna qarsy terror áreketine teńestirilip, áskeri qylmystar sanalady", - delingen qararda.
"Eýroparlament Reseidi terrorizmdi demeýshi ári terrorizm quraldaryn paidalanatyn memleket dep tanidy", - dedi joba avtorlary.
Qujat basym kópshilik daýyspen maquldanǵan. Iaǵni 494 daýys boiynsha qoldaý tapqan, 58 qarsy daýys berilgen jáne 44-i qalys qalǵan. Bul rette qarar EO elderin Resei Federatsiiasyn bolashaqta terrorizmniń demeýshisi dep jariialaýǵa múmkindik beretin quqyqtyq bazany ázirleýge shaqyratyn usynys qujat sanalady. Qazir tizimde tek jeke tulǵalar men qozǵalystar bar, olar - 13 adam jáne 21 uiym. Resei Federatsiiasyn tizimge qosý úshin EO elderiniń daýys berýi qajet.
