1 naýryzdan bastap Eýropalyq Odaq pen Qazaqstan arasyndaǵy keńeitilgen seriktestik jáne yntymaqtastyq týraly kelisim tolyq kúshine enedi, dep habarlaidy "Ult aqparat" Qazaqstandaǵy EO ókildiginiń habarlamasyna silteme jasap.
2015 jyldyń jeltoqsanynda qol qoiylǵan jáne 2016 jyldyń mamyr aiynan bastap ýaqytsha qoldanysta júrgen bul jańa qujatty bizdiń elimiz, barlyq EO memleketteri jáne Eýropalyq Parlament ratifikatsiialady.
«Qazaqstan - Eýropalyq Odaqpen keńeitilgen seriktestik jáne yntymaqtastyq týraly kelisimge qol qoiǵan Ortalyq Aziiadaǵy birinshi memleket. Sondyqtan, bizdiń qarym-qatynasymyz aitarlyqtai keńeiip, tereńdep keledi», - degen EO syrtqy ister jáne qaýipsizdik saiasaty jónindegi joǵary ókili Jozep Borreldiń sózi keltirilgen habarlamada.
«Eýropalyq odaq – eldiń iri saýda jáne investitsiialyq seriktesi, al Qazaqstan – Ortalyq Aziiadaǵy EO-nyń iri saýda seriktesi», - dep atap ótti ol.
«Kelisim kúshine engennen keiin biz onyń artyqshylyqtaryn, atap aitsaq klimat salasyndaǵy birlesken áreketterden bastap ekologiialyq taza energiiaǵa deiin, turaqty jańǵyrtý men ózara bailanysty keńeitýdi tolyq kólemde paidalana alamyz», - dedi Borrel.
«Biz jańa qyzyqty taraýdy bastaimyz», - dep atap ótti eýropalyq diplomatiia basshysy.
.jpeg)