Belgiiada sońǵy táýlikte koronavirýstan 98 adam kóz jumǵan, sonyń ishinde 12 jasar qyz bar, dep habarlaidy QazAqparat.
COVID-19 kúres jónindegi úkimet ókili Emmanýel Andre 12 jasar qyzdyń koronavirýs infektsiiasynan qaitys bolǵany týraly RTBF teleradiokompaniiasy tikelei efirden kórsetetin kún saiynǵy baspasóz máslihatynda aitty.
«Bul emotsionaldyq turǵyda óte qiyn jaǵdai, sebebi ol balalarǵa da, meditsina men ǵylymi qoǵamǵa da keri áser etip otyr», - dedi Andre.
Bul - osy jas sanatyndaǵy Belgiiadaǵy alǵashqy ólim. Buǵan deiin Limbýrgta qaitys bolǵan 30 jastaǵy medbike eldegi eń jas qurban sanalyp keldi.
Belgiialyq qyz Eýropadaǵy koronavirýstyń eń jas qurbany bolyp otyr. Buǵan deiin Frantsiiada 16 jasar qyz ben 14 jasar portýgaliialyq jasóspirim koronavirýstan qaitys bolǵan edi.
«Búginde aýrýhanada, intensivti terapiia bólimderinde qaýipti topqa jatatyn adamdardan da jas naýqastar jatyr», - dep atap ótti Emmanýel Andre.
Sońǵy málimet boiynsha, Belgiiada koronavirýstan 705 adam qaitys bolǵan. Elde barlyǵy 12 775 adam osy indetke shaldyqqan. 1696 adam jazylyp shyqty.
