بەلگييادا سوڭعى تەۋلٸكتە كوروناۆيرۋستان 98 ادام كٶز جۇمعان, سونىڭ ٸشٸندە 12 جاسار قىز بار, دەپ حابارلايدى قازاقپارات.
COVID-19 كٷرەس جٶنٸندەگٸ ٷكٸمەت ٶكٸلٸ ەممانۋەل اندرە 12 جاسار قىزدىڭ كوروناۆيرۋس ينفەكتسيياسىنان قايتىس بولعانى تۋرالى RTBF تەلەراديوكومپانيياسى تٸكەلەي ەفيردەن كٶرسەتەتٸن كٷن سايىنعى باسپاسٶز مەسليحاتىندا ايتتى.
«بۇل ەموتسيونالدىق تۇرعىدا ٶتە قيىن جاعداي, سەبەبٸ ول بالالارعا دا, مەديتسينا مەن عىلىمي قوعامعا دا كەرٸ ەسەر ەتٸپ وتىر», - دەدٸ اندرە.
بۇل - وسى جاس ساناتىنداعى بەلگيياداعى العاشقى ٶلٸم. بۇعان دەيٸن ليمبۋرگتا قايتىس بولعان 30 جاستاعى مەدبيكە ەلدەگٸ ەڭ جاس قۇربان سانالىپ كەلدٸ.
بەلگييالىق قىز ەۋروپاداعى كوروناۆيرۋستىڭ ەڭ جاس قۇربانى بولىپ وتىر. بۇعان دەيٸن فرانتسييادا 16 جاسار قىز بەن 14 جاسار پورتۋگالييالىق جاسٶسپٸرٸم كوروناۆيرۋستان قايتىس بولعان ەدٸ.
«بٷگٸندە اۋرۋحانادا, ينتەنسيۆتٸ تەراپييا بٶلٸمدەرٸندە قاۋٸپتٸ توپقا جاتاتىن ادامداردان دا جاس ناۋقاستار جاتىر», - دەپ اتاپ ٶتتٸ ەممانۋەل اندرە.
سوڭعى مەلٸمەت بويىنشا, بەلگييادا كوروناۆيرۋستان 705 ادام قايتىس بولعان. ەلدە بارلىعى 12 775 ادام وسى ٸندەتكە شالدىققان. 1696 ادام جازىلىپ شىقتى.
