Búgin UEFA Eýropa ligasynyń biylǵy jeńimpazy anyqtaldy, dep habarlaidy "Ult aqparat".
Finalda «Manchester Iýnaited» (Angliia) men «Viliarreal» (Ispaniia) komandalary kezdesti. Oiyn Polshanyń Gdansk qalasyndaǵy «Energa Gdansk» stadionynda boldy.
Kezdesý eki komandanyń alma-kezek shabýylymen órbidi. Esepti 29-minýtta ispaniialyq Jerar Moreno ashty. Oǵan 55-minýtta aǵylshyndyq klýb sapynan Edinson Kavani bir golmen jaýap qaiyrdy.
Negizgi kezeńde 1:1 esebimen teń aiaqtaldy. Oiyn overtaimǵa ulasty. Overtaimda da jeńimpaz anyqtalǵan joq. Penalti tebýde «Viliarreal» klýbynyń joly bolyp, týrnirdiń jeńimpazy atandy.
Aita ketsek, «Manchester Iýnaited» atalǵan týrnirde 2016/2017 jylǵy kezeńde chempion atanǵan edi. Al «Viliarreal» finalǵa tuńǵysh ret shyǵyp otyr.
Eske salsaq, jartylai finalda «Manchester Iýnaited» Italiianyń «Roma» komandasyn (6:2, 2:3) artqa qaldyrsa, «Viliarreal» Angliianyń «Arsenal» klýbynyń (2:1, 0:0) osal tusyn tapqan bolatyn.
