Eýropanyń kóptegen elderi sanitarlyq shekteýlerdi jeńildetip nemese tipti múldem alyp tastap jatyr. Óte juqpaly, biraq halyqtyń basym bóligine qaýipti emes «Omikron» shtamynyń tez taralyp jatqanyna qaramastan birqatar elderdiń mundai qadamǵa barýy Dúniejúzilik densaýlyq saqtaý uiymyn alańdatyp otyr. Olardyń paiymynsha, virýs taǵy mýtatsiiaǵa ushyraýy múmkin, dep habarlaidy QazAqparat Euronews-ke silteme jasap.
«Biz barlyq memleketti qolda bar quraldardy paidalana otyryp, óz turǵyndaryn qorǵaýǵa shaqyramyz. Bul – tek vaktsina emes. Jeńis týraly jar salý áli kez kelgen memleketke erte. Bul virýs qaýipti, ol bizdiń kóz aldymyzda damyp jatyr», - dedi DDU bas hatshysy Tedros Adanom Gebreiesýs.
Daniia aqpan aiynan bastap barlyq shekteýdi alyp tastap jatqan Eýropalyq odaqtaǵy alǵashqy memleketterdiń biri. Norvegiiada osy jolmen júrýde, onda qashyqtan jumys isteýdi jáne adam kóp jinalatyn oryndarda shekteýlerdi alyp tastap jatyr. Frantsiia da matchtarǵa, kontsertterge limitti alyp tastaýda. Mundai jeńildetýler tek vaktsina alǵan azamattarǵa qatysty.
