ەۋروپانىڭ كٶپتەگەن ەلدەرٸ سانيتارلىق شەكتەۋلەردٸ جەڭٸلدەتٸپ نەمەسە تٸپتٸ مٷلدەم الىپ تاستاپ جاتىر. ٶتە جۇقپالى, بٸراق حالىقتىڭ باسىم بٶلٸگٸنە قاۋٸپتٸ ەمەس «وميكرون» شتامىنىڭ تەز تارالىپ جاتقانىنا قاراماستان بٸرقاتار ەلدەردٸڭ مۇنداي قادامعا بارۋى دٷنيەجٷزٸلٸك دەنساۋلىق ساقتاۋ ۇيىمىن الاڭداتىپ وتىر. ولاردىڭ پايىمىنشا, ۆيرۋس تاعى مۋتاتسيياعا ۇشىراۋى مٷمكٸن, دەپ حابارلايدى قازاقپارات Euronews-كە سٸلتەمە جاساپ.
«بٸز بارلىق مەملەكەتتٸ قولدا بار قۇرالداردى پايدالانا وتىرىپ, ٶز تۇرعىندارىن قورعاۋعا شاقىرامىز. بۇل – تەك ۆاكتسينا ەمەس. جەڭٸس تۋرالى جار سالۋ ەلٸ كەز كەلگەن مەملەكەتكە ەرتە. بۇل ۆيرۋس قاۋٸپتٸ, ول بٸزدٸڭ كٶز الدىمىزدا دامىپ جاتىر», - دەدٸ ددۇ باس حاتشىسى تەدروس ادانوم گەبرەيەسۋس.
دانييا اقپان ايىنان باستاپ بارلىق شەكتەۋدٸ الىپ تاستاپ جاتقان ەۋروپالىق وداقتاعى العاشقى مەملەكەتتەردٸڭ بٸرٸ. نورۆەگييادا وسى جولمەن جٷرۋدە, وندا قاشىقتان جۇمىس ٸستەۋدٸ جەنە ادام كٶپ جينالاتىن ورىنداردا شەكتەۋلەردٸ الىپ تاستاپ جاتىر. فرانتسييا دا ماتچتارعا, كونتسەرتتەرگە ليميتتٸ الىپ تاستاۋدا. مۇنداي جەڭٸلدەتۋلەر تەك ۆاكتسينا العان ازاماتتارعا قاتىستى.
