Eýropa qaita qurý jáne damý banki Qyzylorda oblysyndaǵy kún elektr stansasynyń qurylysyn qarjylandyrady, dep habarlaidy Ult.kz tilshisi QazAqparat agenttigine silteme jasap.
«Máselen, jaqyna arada biz taǵy bir kún elektr stansasynyń qurylysyn bastamaqpyz. Ol Qyzylorda oblysynyń qaq ortasynda «Baiqońyr» ǵarysh ailaǵyna jaqyn jerde salynady. «Baiqońyrdan» alǵashqy jer serigi men adamnyń ǵaryshqa ushqanyn bárimiz jaqsy bilemiz. Dál sol jerde iri kún elektr stansasy salynǵany durys», - dedi Eýropa qaita qurýjáne damý bankiniń prezidenti Sýma Chakrabarti QR Prezidenti janyndaǵy Sheteldik investorlar keńesiniń búgingi otyrysynda.
Bank basshysynyń aitýynsha, Qazaqstandaǵy balamaly energetika men energiiany tiimdi paidalaný bastamalardy qoldaýǵa bank 1,9 mlrd dollar quidy. Ortalyq Aziia boiynsha atalǵan kórsetkish 2,2 mlrd dollardy qurap otyr. Osylaisha, Qazaqstanda «jasyl» energetikaǵa aqshany tartý jaǵynan erekshe belsendilik tanytyp keledi.
Aita keteiik, otyrys barysynda QR Investitsiialar jáne damý ministri Jeńis Qasymbek «Astana» halyqaralyq qarjy ortalyǵyn qurý boiynsha esep berdi.Onyń aitýynsha, atalǵan Ortalyq kelesi jyldan bastap tolyqqandy jumys istei bastaidy.
Al «GE Oil & Gas» basshysy Lorentso Simoneli Qazaqstanda indýstrialdyq internetti keńinen damytýdy usyndy.
