ەۋروپا قايتا قۇرۋ جەنە دامۋ بانكٸ قىزىلوردا وبلىسىنداعى كٷن ەلەكتر ستانساسىنىڭ قۇرىلىسىن قارجىلاندىرادى, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«مەسەلەن, جاقىنا ارادا بٸز تاعى بٸر كٷن ەلەكتر ستانساسىنىڭ قۇرىلىسىن باستاماقپىز. ول قىزىلوردا وبلىسىنىڭ قاق ورتاسىندا «بايقوڭىر» عارىش ايلاعىنا جاقىن جەردە سالىنادى. «بايقوڭىردان» العاشقى جەر سەرٸگٸ مەن ادامنىڭ عارىشقا ۇشقانىن بەرٸمٸز جاقسى بٸلەمٸز. دەل سول جەردە ٸرٸ كٷن ەلەكتر ستانساسى سالىنعانى دۇرىس», - دەدٸ ەۋروپا قايتا قۇرۋجەنە دامۋ بانكٸنٸڭ پرەزيدەنتٸ سۋما چاكرابارتي قر پرەزيدەنتٸ جانىنداعى شەتەلدٸك ينۆەستورلار كەڭەسٸنٸڭ بٷگٸنگٸ وتىرىسىندا.
بانك باسشىسىنىڭ ايتۋىنشا, قازاقستانداعى بالامالى ەنەرگەتيكا مەن ەنەرگييانى تيٸمدٸ پايدالانۋ باستامالاردى قولداۋعا بانك 1,9 ملرد دوللار قۇيدى. ورتالىق ازييا بويىنشا اتالعان كٶرسەتكٸش 2,2 ملرد دوللاردى قۇراپ وتىر. وسىلايشا, قازاقستاندا «جاسىل» ەنەرگەتيكاعا اقشانى تارتۋ جاعىنان ەرەكشە بەلسەندٸلٸك تانىتىپ كەلەدٸ.
ايتا كەتەيٸك, وتىرىس بارىسىندا قر ينۆەستيتسييالار جەنە دامۋ مينيسترٸ جەڭٸس قاسىمبەك «استانا» حالىقارالىق قارجى ورتالىعىن قۇرۋ بويىنشا ەسەپ بەردٸ.ونىڭ ايتۋىنشا, اتالعان ورتالىق كەلەسٸ جىلدان باستاپ تولىققاندى جۇمىس ٸستەي باستايدى.
ال «GE Oil & Gas» باسشىسى لورەنتسو سيمونەلي قازاقستاندا يندۋستريالدىق ينتەرنەتتٸ كەڭٸنەن دامىتۋدى ۇسىندى.
