Koronavirýstyń taralýyna qarsy kúres jáne Eýropalyq odaqqa múshe memleketterge qajetti jabdyqtardy berý sharalary aiasynda Eýropalyq komissiia dezinfektsiia jasaityn 200 robotty satyp alýdy bastady, dep habarlaidy "Ult aqparat".
Jabdyqtar búkil Eýropa boiynsha aýrýhanalarǵa taratylady. Buǵan deiin Odaqqa múshe kóptegen memlekettiń meditsinalyq mekemeleri COVID-19 juqtyrǵan patsientterdiń standartty palatalaryn ýltrakúlgin sáýlemen nebári 15 minýt ishinde zararsyzdandyratyn robottarǵa qajettiligin bildirdi. Osylaisha, olar qaýipti virýstyń taralýyn boldyrmaýǵa jáne azaitýǵa kómektesedi. Dezinfektsiialaý protsesin operator ýltrakúlgin-sáýleniń áserin boldyrmaý úshin bólmeden tys jerde baqylai alady.
«Biz óz azamattarymyzdy qorǵaý úshin áreket etemiz. Endi biz dezinfektsiia jasaityn robottardy aýrýhanalarǵa ornalastyramyz. Osylaisha azamattarymyz osy tehnologiiany qoldana alady. Aldaǵy aptada robottar EO aýrýhanalaryna jetkiziledi dep kútilýde», - dep habarlady EO ishki naryq jónindegi komissary Terri Breton.
Jalpy, pandemiiamen kúreste EO-nyń jedel meditsinalyq qoldaý quraldary 12 million eýroǵa deiingi arnaiy biýdjetti quraidy.
