كوروناۆيرۋستىڭ تارالۋىنا قارسى كٷرەس جەنە ەۋروپالىق وداققا مٷشە مەملەكەتتەرگە قاجەتتٸ جابدىقتاردى بەرۋ شارالارى اياسىندا ەۋروپالىق كوميسسييا دەزينفەكتسييا جاسايتىن 200 روبوتتى ساتىپ الۋدى باستادى, دەپ حابارلايدى "ۇلت اقپارات".
جابدىقتار بٷكٸل ەۋروپا بويىنشا اۋرۋحانالارعا تاراتىلادى. بۇعان دەيٸن وداققا مٷشە كٶپتەگەن مەملەكەتتٸڭ مەديتسينالىق مەكەمەلەرٸ COVID-19 جۇقتىرعان پاتسيەنتتەردٸڭ ستاندارتتى پالاتالارىن ۋلتراكٷلگٸن سەۋلەمەن نەبەرٸ 15 مينۋت ٸشٸندە زارارسىزداندىراتىن روبوتتارعا قاجەتتٸلٸگٸن بٸلدٸردٸ. وسىلايشا, ولار قاۋٸپتٸ ۆيرۋستىڭ تارالۋىن بولدىرماۋعا جەنە ازايتۋعا كٶمەكتەسەدٸ. دەزينفەكتسييالاۋ پروتسەسٸن وپەراتور ۋلتراكٷلگٸن-سەۋلەنٸڭ ەسەرٸن بولدىرماۋ ٷشٸن بٶلمەدەن تىس جەردە باقىلاي الادى.
«بٸز ٶز ازاماتتارىمىزدى قورعاۋ ٷشٸن ەرەكەت ەتەمٸز. ەندٸ بٸز دەزينفەكتسييا جاسايتىن روبوتتاردى اۋرۋحانالارعا ورنالاستىرامىز. وسىلايشا ازاماتتارىمىز وسى تەحنولوگييانى قولدانا الادى. الداعى اپتادا روبوتتار ەو اۋرۋحانالارىنا جەتكٸزٸلەدٸ دەپ كٷتٸلۋدە», - دەپ حابارلادى ەو ٸشكٸ نارىق جٶنٸندەگٸ كوميسسارى تەرري برەتون.
جالپى, پاندەمييامەن كٷرەستە ەو-نىڭ جەدەل مەديتسينالىق قولداۋ قۇرالدارى 12 ميلليون ەۋروعا دەيٸنگٸ ارنايى بيۋدجەتتٸ قۇرايدى.
