Eýropalyq keńes 2014 jyly Reseidiń jeke tulǵalary men uiymdaryna salǵan sanktsiialaryn alty aiǵa sozdy. Sanktsiialar Ýkrainanyń aýmaqtyq tutastyǵy men egemendigine, táýelsizdigine nuqsan keltirgeni úshin salynǵan edi.
Eýrokeńes saitynyń habarlaýynsha, qaitys bolǵan eki adam bul tizimnen shyǵarylǵan. Jańa tizimde jikshilderdiń Motorola esimimen tanymal bolǵan dala komandiri Arsen Pavlov pen óz táýelsizdigin jariialaǵan «Lýgansk halyq respýblikasynyń» burynǵy úkimet basshysy Gennadii Tsypkalov joq. Bul ekeýi 2016 jyly qaitys boldy. Qysqartylǵan tizimde 150 jeke tulǵa jáne 37 uiym bar.
2014 jyly Eýroodaq Reseige qarsy jekelegen jáne ekonomikalyq sanktsiialaryn Qyrymnyń anneksiiasy men Donbastaǵy janjaldan soń engizdi. Tizimdegi adamdarǵa Eýroodaq elderine kirýge tyiym salynǵan, olardyń eýropalyq bankterdegi aktivteri qulyptalǵan.
