ەۋروپالىق كەڭەس 2014 جىلى رەسەيدٸڭ جەكە تۇلعالارى مەن ۇيىمدارىنا سالعان سانكتسييالارىن التى ايعا سوزدى. سانكتسييالار ۋكراينانىڭ اۋماقتىق تۇتاستىعى مەن ەگەمەندٸگٸنە, تەۋەلسٸزدٸگٸنە نۇقسان كەلتٸرگەنٸ ٷشٸن سالىنعان ەدٸ.
ەۋروكەڭەس سايتىنىڭ حابارلاۋىنشا, قايتىس بولعان ەكٸ ادام بۇل تٸزٸمنەن شىعارىلعان. جاڭا تٸزٸمدە جٸكشٸلدەردٸڭ موتورولا ەسٸمٸمەن تانىمال بولعان دالا كومانديرٸ ارسەن پاۆلوۆ پەن ٶز تەۋەلسٸزدٸگٸن جارييالاعان «لۋگانسك حالىق رەسپۋبليكاسىنىڭ» بۇرىنعى ٷكٸمەت باسشىسى گەنناديي تسىپكالوۆ جوق. بۇل ەكەۋٸ 2016 جىلى قايتىس بولدى. قىسقارتىلعان تٸزٸمدە 150 جەكە تۇلعا جەنە 37 ۇيىم بار.
2014 جىلى ەۋرووداق رەسەيگە قارسى جەكەلەگەن جەنە ەكونوميكالىق سانكتسييالارىن قىرىمنىڭ اننەكسيياسى مەن دونباستاعى جانجالدان سوڭ ەنگٸزدٸ. تٸزٸمدەگٸ ادامدارعا ەۋرووداق ەلدەرٸنە كٸرۋگە تىيىم سالىنعان, ولاردىڭ ەۋروپالىق بانكتەردەگٸ اكتيۆتەرٸ قۇلىپتالعان.
