Búgin Eýropalyq komissiia Eýropaǵa arnalǵan Farmatsevtikalyq strategiia qujatyn qabyldady, dep habarlaidy «QazAqparat» HAA menshikti tilshisi.
Qujat patsientterdi innovatsiialyq jáne qoljetimdi dári-dármekpen qamtamasyz etýge, sonymen qatar Eýroodaqtyń básekege qabilettigin, innovatsiialyq áleýeti men farmatsevtikalyq ónerkásibiniń bekemdigin qoldaýǵa baǵyttalǵan. Strategiia Eýropaǵa pandemiia kezeńinde tasymaldyń senimdi legin jolǵa qoia otyryp, farmatsevtikalyq qajettiligin jabýǵa múmkindik beredi.
Strategiia Eýropalyq odaqtyń myǵym densaýlyq saqtaý salasyn qurýda mańyzdy komponent bolǵaly tur. Buǵan deiin Eýropalyq komissiianyń prezidenti Ýrsýl von der Liaien osylai degen bolatyn.
Eýropalyq komissiia basshysynyń aitýynsha koronavirýs pandemiiasy EO elderiniń densaýlyq saqtaý júiesin jaqsartý qajettiliginiń ómirlik mańyzy zor ekenin kórsetip bergen.
«Eýropalyq odaq dál qazirgi ýaqytta ekonomikalyq jáne áleýmettik qiyndyqtardy bastan ótkerip jatyrn. Al qabyldanǵan bul strategiia Eýropa men eýropalyqtar osyndai dári-dármektiń paidasyn kóretinine kepildik beredi. Men odaqqa múshe memleketter men parlamentti aldaǵy úsh jylda jáne odan keiingi kezeńderde engiziletin bul amaldy qoldaýǵa shaqyramyn», - dedi Ý. Liaien.
Eýropalyq komissiianyń eýropalyq ómir sipatyn ilgeriletý jónindegi vitse-prezidenti Margaritis Shinas budan burynǵy ýaqytta tiimdi ári qaýipsiz dári-dármek, vaktsina men em-dom sharalary aýrýlardyń negizgi sebepterimen kúresýge múmkindik bergenin atap ótti.
«Qabyldanǵan strategiia Eýroodaqtyń farmatsevtikalyq ónerkásibin qoldaidy. Onyń básekege qabilettiligi men innovatsiiasyn demep, patsientterdiń qajettiligin qanaǵattandyrady», - dedi Eýropalyq komissiianyń ókili.
