Eýropalyq Komissiia dúisenbide Pfizer kompaniiasynyń koronavirýsqa qarsy vaktsinasyn resmi túrde maquldady, dep habarlaidy "Ult aqparat".
«Búgin biz eýropalyqtar úshin alǵashqy COVID-19 vaktsinasyn maquldap, Eýropanyń tarihyna mańyzdy taraý qosamyz», – dedi Eýropalyq komissiianyń basshysy Ýrsýla von der Liaien.
«Biz ýáde etkendei, vaktsina EO-nyń barlyq elderi úshin bir ýaqytta, birdei sharttarda qoljetimdi bolady», – dep túsindirdi ol.
Eýropalyq dárilik zattar jónindegi agenttik dúisenbi kúni oń qorytyndy bergendikten, Komissiia vaktsinany maquldaǵan.
Budan burynyraqta Eýropalyq Komissiia maquldaýdy keiinge josparlaǵan bolatyn. Alaida qoǵamnyń úndeýine bailanysty eýropalyq institýttar qaraý merzimderin barynsha jedeldetti.
Belgiiadaǵy Pfizer óndiristik alańynan vaktsinalardyń alǵashqy partiialary EO-ǵa múshe elderge jaqyn kúnderi jiberiledi. EO boiynsha vaktsinalaý aǵymdaǵy jyldyń 27 jeltoqsanynan bastalýy múmkin.
