ەۋروپالىق كوميسسييا دٷيسەنبٸدە Pfizer كومپانيياسىنىڭ كوروناۆيرۋسقا قارسى ۆاكتسيناسىن رەسمي تٷردە ماقۇلدادى, دەپ حابارلايدى "ۇلت اقپارات".
«بٷگٸن بٸز ەۋروپالىقتار ٷشٸن العاشقى COVID-19 ۆاكتسيناسىن ماقۇلداپ, ەۋروپانىڭ تاريحىنا ماڭىزدى تاراۋ قوسامىز», – دەدٸ ەۋروپالىق كوميسسييانىڭ باسشىسى ۋرسۋلا ۆون دەر ليايەن.
«بٸز ۋەدە ەتكەندەي, ۆاكتسينا ەو-نىڭ بارلىق ەلدەرٸ ٷشٸن بٸر ۋاقىتتا, بٸردەي شارتتاردا قولجەتٸمدٸ بولادى», – دەپ تٷسٸندٸردٸ ول.
ەۋروپالىق دەرٸلٸك زاتتار جٶنٸندەگٸ اگەنتتٸك دٷيسەنبٸ كٷنٸ وڭ قورىتىندى بەرگەندٸكتەن, كوميسسييا ۆاكتسينانى ماقۇلداعان.
بۇدان بۇرىنىراقتا ەۋروپالىق كوميسسييا ماقۇلداۋدى كەيٸنگە جوسپارلاعان بولاتىن. الايدا قوعامنىڭ ٷندەۋٸنە بايلانىستى ەۋروپالىق ينستيتۋتتار قاراۋ مەرزٸمدەرٸن بارىنشا جەدەلدەتتٸ.
بەلگيياداعى Pfizer ٶندٸرٸستٸك الاڭىنان ۆاكتسينالاردىڭ العاشقى پارتييالارى ەو-عا مٷشە ەلدەرگە جاقىن كٷندەرٸ جٸبەرٸلەدٸ. ەو بويىنشا ۆاكتسينالاۋ اعىمداعى جىلدىڭ 27 جەلتوقسانىنان باستالۋى مٷمكٸن.
