Qazaqstan SIM basshysy Madridte eýropalyq jáne qytailyq áriptesterimen kelissóz júrgizdi, dep habarlaidy "Ult aqparat" vedomstvonyń baspasóz qyzmetine silteme jasap.
Qazaqstan Syrtqy ister ministri Muhtar Tileýberdi Ispaniiaǵa «Aziia-Eýropa» forýmynyń (ASEM) Syrtqy ister ministrleriniń 14-shi keńesine qatysý úshin eki kúndik issapary bastaldy.
Is-shara aiasynda ministr M. Tileýberdi Eýropalyq Odaqtyń Syrtqy ister jáne qaýipsizdik saiasaty jónindegi Joǵarǵy ókili Jozep Borrellmen jáne QHR Syrtqy ister ministri Van Imen ekijaqty kelissózder júrgizdi.
Ministr M. Tileýberdi J. Borrelldi Eýrokomissiianyń Vitse-prezidenti – EO Joǵarǵy ókili qyzmetine kirisýimen quttyqtady. Eýropalyq keńestiń Prezidenti Donald Týsktiń ú.j. mamyrda Qazaqstanǵa jasaǵan resmi sapary Nur-Sultan men Briýssel arasyndaǵy joǵary deńgeidegi dialogqa aitarlyqtai qarqyn berdi.
EO Joǵarǵy ókili, óz kezeginde, Qazaqstannyń Ortalyq Aziia óńirindegi mańyzdy rólin erekshe atap ótip, Aýǵanstanǵa bailanysty bitimgershilik kúsh-jigeri úshin rizashylyǵyn bildirdi.
Eýropalyq diplomatiia basshysy QR Syrtqy ister ministriniń 2020 jylǵy qańtardaǵy Briýsselge aldaǵy saparyn jáne QR-EO yntymaqtastyq keńesiniń 17-shi otyrysyn ótkizýdi quptady.
J. Borrell kelesi jyly Nur-Sultan qalasyna saparmen kelýge daiyn ekenin jáne keńeitilgen áriptestik pen yntymaqtastyq týraly kelisimniń kúshine tezirek enýine múddeliligin rastady.
QHR Syrtqy ister ministri Van Imen kezdesý aiasynda taraptar QR Prezidenti Qasym-Jomart Toqaevtyń QHR-ǵa aǵymdaǵy jyldyń qyrkúiek aiynda jasaǵan tabysty memlekettik saparynyń qorytyndysy boiynsha máńgilik joǵary kólemdi strategiialyq seriktestik ornaǵanyn qanaǵattanarlyqpen atap ótti.
Syrtqy saiasi vedomstvolardyń basshylary Qazaqstan men Qytai arasyndaǵy saýda-investitsiialyq yntymaqtastyqtyń qazirgi qarqyndy ósýin atap ótti. Buǵan «Nurly jol» memlekettik baǵdarlamasy men «Beldeý jáne jol» bastamasy sheńberinde infraqurylymdyq jobalardy der kezinde iske asyrý yqpal etedi. Bul rette, IT tehnologiialar men jańartylatyn energiia kózderi salalaryndaǵy zamanaýi joǵary tehnologiialyq jobalarǵa erekshe mán beriledi.
M. Tileýberdiniń Van Imen birinshi kezdesýi barysynda joǵary jáne joǵarǵy deńgeidegi saparlarmen almasý arqyly ekijaqty yntymaqtastyqty odan ári nyǵaitý týraly, sondai-aq BUU, AÓSShK, ShYU jáne ASEM siiaqty kópjaqty alańdar sheńberinde ózara qoldaý týraly ýaǵdalastyqqa qol jetkizildi.
