Eýropalyq komissiianyń tóraǵasy Ýrsýla fon der Liaien AQSh-taǵy prezident sailaýynyń qortyndysy boiynsha málimdeme jasady, dep habarlaidy QazAqparat.
«Men shyn júrekten Djo Baiden myrzany AQSh-taǵy prezident sailaýyndaǵy jeńisimen quttyqtaimyn. Onymen múmkindiginshe tezirek kezdesýdi asyǵa kútemin.
Eýropalyq Odaq pen Qurama Shtattar - dos ári odaqtas. Biz birlese otyryp, ortaq tarih pen demokratiianyń, bostandyqtyń, adam quqyqtarynyń, áleýmettik ádilettilik pen ashyq ekonomikanyń ortaq qundylyqtaryna negizdelgen teńdessiz transatlantikalyq seriktestik qurdyq. Bul seriktestik ondaǵan jyldar boiy erejelerge negizdelgen liberaldy halyqaralyq tártiptiń negizi retinde qyzmet etip keledi jáne Atlantikanyń eki jaǵynda da turaqtylyq, qaýipsizdik jáne órkendeý tiregi bolyp qala beredi.
Álem ózgerip, jańa syn-qaterler men múmkindikter paida bolǵan saiyn bizdiń jańartylǵan seriktestigimiz erekshe mánge ie bolady.
Eýropalyq komissiia búgingi tańdaǵy ózekti máselelerdi sheshý úshin jańa ákimshilikpen jáne jańa Kongrespen yntymaqtastyqty jandandyrýǵa daiyn. COVID-19 pandemiiasymen jáne onyń ekonomikalyq, áleýmettik saldarymen kúres, klimattyń ózgerýimen birlesken kúres, adamdarǵa paida ákeletin tsifrlyq transformatsiiany ilgeriletý, bizdiń ortaq qaýipsizdigimizdi nyǵaitý, sondai-aq qaǵidalarǵa negizdelgen kópjaqty júieni reformalaý sekildi mańyzdy máselelerdi sheshý mindeti tur», - delingen Ýrsýly fon der Liaien málimdemesinde.
Buǵan deiin habarlanǵandai, Amerika Qurama Shtattarynda ótip jatqan prezident sailaýynda demokratiialyq partiia atynan baq synaǵan Djo Baiden jeńiske qajet daýysty jinady.
Eske sala keteiik, Qazaqstan Prezidenti Qasym-Jomart Toqaev AQSh-taǵy prezident sailaýynda jeńiske jetken Djo Baidendi quttyqtaǵan bolatyn.
