© Photo : Press-slýjba prezidenta Kazahstana
Eýraziialyq damý bankiniń basqarma tóraǵasy Mmemleket basshysyna bank jumysynyń nátijeleri men aldaǵy kezeńge arnalǵan jospary jóninde esep berdi, dep habarlaidy «Ult aqparat» Aqordaǵa silteme jasap.
Prezident prinial predsedatelia pravleniia Evraziiskogo banka razvitiia Nikolaia Podgýzova
© Photo : Press-slýjba prezidenta Kazahstana
Podgýzovtyń aitýynsha, Eýraziialyq damý bankiniń Qazaqstan ekonomikasyna salatyn jyl saiynǵy investitsiiasy eki jyl qatarynan 1 milliard dollardan asyp otyr.
Banktiń 2022-2023 jyldardaǵy investitsiiasynyń jyldyq kóleminiń jalpy somasy 4,2 milliard dollardy quraǵan. Bul strategiiada bekitilgen 2022-2026 jyldarǵa arnalǵan jospardan shamamen 1,5 ese kóp. Ótken jyldyń qorytyndysy boiynsha bul kórsetkish 59 paiyzdy qurady.
Qazaqstandaǵy áleýetti jobalarǵa bólý úshin banktiń 2024 jylǵa qarastyryp otyrǵan qarjy kólemi 3,5 milliard dollardan asady. Investitsiiany, eń aldymen, kólik infraqurylymy, jylý energetikasy, jańartylatyn energiia kózderi, ónerkásip, agroónerkásip jáne sý resýrstary siiaqty strategiialyq mańyzdy salalarǵa salý josparlanyp otyr.
Nikolai Podgýzovtyń aitýynsha, biyl bank Qazaqstannyń qarjy naryǵyn damytý jáne infraqurylymdyq jobalardy qarjylandyrýdyń jańa quraldaryn engizý isine atsalysýǵa nietti.
Sonymen qatar Eýraziialyq damý banki tóraǵasy memleket basshysyna Ortalyq Aziianyń sý-energetika salasyna jasalǵan zertteý nátijelerin tanystyrdy. Bank Qazaqstannyń sý resýrstaryn tiimdi paidalanatyn elderdiń kóshbasshysy retinde qalyptasýyna yqpal etýge nietti. Sondai-aq sýdy únemdeitin jáne energetikalyq turǵydan tiimdi tehnologiialar boiynsha aimaqtyq saraptama ortalyqtaryn damytý úshin 10 million dollarǵa deiin granttyq qarjy bólýge daiyn. Buǵan qosa, sýdy esepke alýdyń tsifrlyq tehnologiialaryn, sýarmaly jerlerge tolyqtai lazerlik josparlaý tásilin engizýge jáne zamanaýi irrigatsiialyq qural-jabdyqtar óndiretin óńirlik óndiristik-servistik klaster qurýǵa baǵyttalǵan jobalarǵa 400 million dollarǵa deiin qarjy bólmek.
Memleket basshysy biyl jazda Almaty qalasynda Eýraziialyq damý bankiniń jyldyq qorytyndy jinalysyn jáne iskerlik forýmyn uiymdastyrý máselesin quptaitynyn jetkizdi. Atalǵan forýmnyń kún tártibinde Ortalyq Aziianyń sý-energetika keshenine, kólik júiesi qurylymy men qarjy quraldaryn damytýǵa qatysty máseleler qamtylady. Sonymen qatar Toqaev elimizde bank qoldaý bildirgen infraqurylymdyq jobalardyń mańyzdy ekenin aitty.
