Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin elektrondyq tsifrlyq qoltańbanyń qolaisyz ekenin aitty, - dep habarlaidy Massaget.kz portaly.
"Shyndyǵynda, ETsQ bárimizdi sharshatqanyn moiyndaimyn. Ony bir jerge baryp alý kerek, arnaiy qosymshalardy ornatý kerek, taǵy basqasy... Bul Tsifrlyq damý ministri retinde maǵan unamaidy. Sondyqtan, osynda otyrǵan adamdardyń arqasynda QR keńinen qoldanyla bastady. EGov Mobile-dy ashyp, jai QR qoltańbasy arqyly QR kodty kórsetip, qol qoiýǵa bolady", - dedi ministr.
Mýsin ETsQ-ny saqtaýdyń, flesh-diskke, kompiýterge jazyp alýdyń qajeti joq ekenin aitty.
"Elektrondy qoltańbany shynyn aitqanda, adamdar áli de túsinbeidi. Qansha qol qoiý kerek, taǵy qanshasyn shyǵarý kerek, qansha ret halyqqa qyzmet kórsetý ortalyqtaryna barý kerek, sondyqtan QR qoltańbasyn qoldaný birden óz áserin beredi, sonymen qatar ol jańadan bastaǵan kásipkerlerge de, ónerkásip jáne tehnologiialyq platformalar úshin de paidasyn tigizedi. Óitkeni adamnan ETsQ talap etilmeidi, onyń qalai jáne qai jerde berilgenine kóz jetkizýdiń qajeti bolmaidy", - dep túiindedi sózin ministr.
