Qazaqstanda etnosaralyq qarym-qatynastardaǵy memlekettik saiasat tujyrymdamasy jobasy ázirlendi. Bul týraly QHA Tóraǵasynyń orynbasary Janseiit Túimebaev aitty, dep habarlaidy QazAqparat.
«Memleket basshysynyń tapsyrmasymen etnosaralyq qatynastar salasyndaǵy memlekettik saiasattyń tiimdiligin arttyrý sharalary qabyldandy. QR Aqparat jáne qoǵamdyq damý ministrligi Etnosaralyq qatynasty damytý komiteti quryldy. QR Prezidenti janyndaǵy «Qoǵamdyq kelisim» KMM QR Úkimetine berý jolymen qaita quryldy. Ókiletti basqarý organy bolyp Aqparat jáne qoǵamdyq damý ministrligi bekitildi. Etnosaralyq qatynastar salasyndaǵy memlekettik saiasat tujyrymdamasy jobasy jasaldy», - dedi J. Túimebaev QHA Ǵylymi-saraptamalyq keńesiniń otyrysynda.
Onyń aitýynsha, aimaqtyq deńgeide ishki saiasat máselelerin bir orynbasarǵa júkteý maqsatynda Nur-Sultan, Almaty, Shymkent qalalary men oblys ákimderiniń orynbasarlary arasynda qyzmetterdi bólý jumystary júrip jatyr.
«Etnosaralyq qatynastardy damytý máseleleri boiynsha ákimdikterdiń ishki saiasat jáne qoǵamdyq damý basqarmalary quramynda jeke bólimsheler qurylýda. Assambleia men «Qoǵamdyq kelisim» KMM aimaqtyq hatshylyqtary ishki saiasat basqarmasyna berildi. Óńirlik assambleialar tóraǵalarynyń orynbasarlary ákimniń ishki saiasat jónindegi orynbasary bolady», - dedi J. Túimebaev.
Sonymen birge, spiker Qoldanbaly etnosaiasi zertteýler institýtynyń qyzmeti jóninde baiandady.
«Institýttyń negizgi qyzmeti etnosaralyq qatynastar salasynda júrgiziledi. Institýt direktory qyzmetine belgili saiasattanýshy jáne tájiribeli maman Talǵat Qaliev taǵaiyndalǵanyn bilesizder. Jańa institýt aldynda mańyzdy mindetter tur. Eger jańa institýt Assambleianyń ǵylymi-saraptamalyq keńesiniń jumys organyna ainalsa durys bolady dep oilaimyn. Institýt aqparattyq-taldamaly materialdardy daiyndaý kestesin jandandyryp, monitoring ónimderin jáne suranysqa ie basqa da materialdardy daiyndaýdy uiymdastyrýy kerek. Institýt Assambleianyń ǵylymi-saraptamalyq keńesimen birlesip, eldegi etnosaralyq qatynastardy ǵylymi turǵydan paiymdaý boiynsha mańyzdy jumystardy jańa deńgeige kótererine senimdimin», - dedi Janseiit Túimebaev.
.jpeg)