Astanadaǵy «Han Shatyrda» túsirilgen video jurtty shoshytyp, áleýmettik jelide qyzý talqylanýda dep jazady ult.kz Democrat.kz saityna siltep.
Video avtorynyń aitýynsha, 1 maýsym kúni shamamen saǵat 17:45-te saýda ortalyǵynda belgisiz er adam ony eteginiń astynan jasyryn túrde videoǵa túsirgen bolýy múmkin.
Qyzdyń sózinshe, ol bastapqyda eshteńe baiqamaǵan. Alaida er adam tym jaqyn kelip otyrǵan kezde sómkesiniń ústine qoiylǵan telefondy kórip, kúdiktene bastaǵan. Keiin ol álgi adamnyń sońynan ergenimen, kúdikti saýda ortalyǵynan shyǵyp ketip úlgergen.
Oqiǵadan keiin qyz beinebaqylaý kameralarynyń jazbalaryn qarap, politsiiaǵa júginbek bolǵanyn aitady. Alaida onyń sózinshe, quqyq qorǵaý organdarynan bul jaǵdai boiynsha aryzdyń qaraýsyz qalýy múmkin ekeni aitylǵan.
Jeli qoldanýshylary qyz-kelinshekterdi qoǵamdyq oryndarda saq bolýǵa shaqyryp, mundai jaǵdailarda mindetti túrde dálelderdi jinap, resmi túrde aryz jazýǵa keńes berýde.
«Eteginiń astynan videoǵa túsirgen»: Astanadaǵy oqiǵa jurtty shoshytty
