Memleket basshysynyń ókimimen Esjan Amantaiuly Birtanov Qazaqstan Respýblikasy Ulttyq Banki Tóraǵasynyń orynbasary laýazymynan bosatyldy.
Bul týraly Aqordanyń resmi saity habarlady.
Birtanov 2018 jyldyń qańtarynan «Báiterek» Ulttyq basqarma holdingi» AQ direktory bolǵan. Bank salasy men ujymdyq basqarý salasynda 20 jyldyq is-tájiribesi bar.
2012-2018 jyldary «Ulttyq bank ulttyq investitsiialyq korporatsiiasy» AQ-da basqarýshy laýazymyn atqardy. Ulttyq bank tóraǵasynyń keńesshisi boldy.
Budan ózge «Qazaqstan qor birjasy» AQ basqarma tóraǵasy-direktorlar keńesiniń múshesi boldy.
1998-2012 jyldar aralyǵynda ishki naryq bóliminiń jetekshi, bas dileri, keiinnen basshysy, diling operatsiialary boiynsha basshynyń orynbasary, basqarma basshysy, direktor qyzmetin ýaqytsha atqarýshy, Ulttyq bank moneta operatsiialary departamenti direktorynyń orynbasary laýazymdaryn atqardy.
Lomonosov atyndaǵy Máskeý memlekettik ýniversitetin, ál-Farabi atyndaǵy Qazaq ulttyq ýniversitetin, «Turan» ýniversitetin támamdaǵan.
