مەملەكەت باسشىسىنىڭ ٶكٸمٸمەن ەسجان امانتايۇلى بٸرتانوۆ قازاقستان رەسپۋبليكاسى ۇلتتىق بانكٸ تٶراعاسىنىڭ ورىنباسارى لاۋازىمىنان بوساتىلدى.
بۇل تۋرالى اقوردانىڭ رەسمي سايتى حابارلادى.
بٸرتانوۆ 2018 جىلدىڭ قاڭتارىنان «بەيتەرەك» ۇلتتىق باسقارما حولدينگٸ» اق ديرەكتورى بولعان. بانك سالاسى مەن ۇجىمدىق باسقارۋ سالاسىندا 20 جىلدىق ٸس-تەجٸريبەسٸ بار.
2012-2018 جىلدارى «ۇلتتىق بانك ۇلتتىق ينۆەستيتسييالىق كورپوراتسيياسى» اق-دا باسقارۋشى لاۋازىمىن اتقاردى. ۇلتتىق بانك تٶراعاسىنىڭ كەڭەسشٸسٸ بولدى.
بۇدان ٶزگە «قازاقستان قور بيرجاسى» اق باسقارما تٶراعاسى-ديرەكتورلار كەڭەسٸنٸڭ مٷشەسٸ بولدى.
1998-2012 جىلدار ارالىعىندا ٸشكٸ نارىق بٶلٸمٸنٸڭ جەتەكشٸ, باس ديلەرٸ, كەيٸننەن باسشىسى, ديلينگ وپەراتسييالارى بويىنشا باسشىنىڭ ورىنباسارى, باسقارما باسشىسى, ديرەكتور قىزمەتٸن ۋاقىتشا اتقارۋشى, ۇلتتىق بانك مونەتا وپەراتسييالارى دەپارتامەنتٸ ديرەكتورىنىڭ ورىنباسارى لاۋازىمدارىن اتقاردى.
لومونوسوۆ اتىنداعى مەسكەۋ مەملەكەتتٸك ۋنيۆەرسيتەتٸن, ەل-فارابي اتىنداعى قازاق ۇلتتىق ۋنيۆەرسيتەتٸن, «تۇران» ۋنيۆەرسيتەتٸن تەمامداعان.
