ALJIR mýzei-memorialdyq kesheninde 1938-1953 jj. lagerde jazasyn ótegen estondyq áielderge arnalǵan taqta ashyldy, dep habarlaidy "Ult aqparat" Astana qalasynyń mádeniet jáne sport basqarmasyna silteme jasap.
Sharaǵa Estoniia Respýblikasynyń Premer-Ministri Iýri Ratas, Estoniianyń Qazaqstandaǵy elshiliginiń ókilderi, Astana qalasy mádeniet jáne sport basqarmasy basshysynyń orynbasary Narima Muhambetalina jáne mýzei qyzmetkerleri qatysty.
1938-1953 jyldar aralyǵynda ALJIR lagerinde 21 eston áiel jazasyn ótegen, olardyń ekeýi basyna túsken azapqa tóze almady, qaza tapty. Olar qiyndyqtarǵa qaramastan kúieýlerine taǵylǵan aiypty moiyndaǵan joq, ómirleriniń sońyna deiin olarǵa adal bolyp qaldy, muny erlik deýge bolady.
Estoniia Premer-Ministri Iýri Ratas adam tózgisiz beinetti basynan ótkergen ALJIR tutqyndary, eston áielderdiń rýhyna taǵzym etti.
Estelik taqtanyń ashylýy barysynda qonaqtar úshin mýzei aýmaǵynda ornalasqan ekspozitsiialar boiynsha ekskýrsiia uiymdastyryldy. Kelýshiler «Alash» jáne «ALJIR» zaldaryn tamashalady. Sapar sońynda Ratas myrza Pikirler kitabynda óz tilegin qaldyryp, 30-50 jj. saiasi qýǵyn-súrginde jazyqsyz qurban bolǵandardy este qaldyrýǵa jaǵdai jasaǵan Qazaqstan basshysy Nursultan Nazarbaevqa alǵysyn bildirdi.
Sheteldik meimanǵa mýzei tarapynan estelik retinde jappai saiasi qýǵyn-súrginniń 80 jyldyǵyna jáne mýzeidiń 10 jyldyǵyna orai shyǵarylǵan repressiiaǵa ushyraǵandardyń balalarynyń «Urpaqtar umytpaidy. Pomniat potomki» atty jinaǵy tabystaldy.
