Densaýlyq saqtaý ministriniń buiryǵymen Aijan Esmaǵambetova Qazaqstan Respýblikasy Densaýlyq saqtaý ministrliginiń Sanitarlyq-epidemiologiialyq baqylaý komitetiniń tóraiymy qyzmetine taǵaiyndaldy, dep habarlaidy "Ult aqparat" QR Premer-Ministriniń baspasóz qyzmetine silteme jasap.
Aijan Esmaǵambetova 1972 jyly Almaty oblysynda dúniege kelgen. 1997 jyly Almaty memlekettik meditsina ýniversitetin gigienist dáriger, epidemiolog mamandyǵy boiynsha támamdaǵan.
Eńbek jolyn 1990 jyly Almaty qalasy №7 emhanasynda feldsher-zerthanashy bolyp bastaǵan.
1997-2004 jyldary Respýblikalyq sanitarlyq-epidemiologiialyq stantsiianyń asa qaýipti infektsiialar bóliminde dáriger-epidemiolog, dáriger-bakteriolog, zerthana meńgerýshisi bolyp jumys istegen.
2004-2014 jyldary QR DSM Memlekettik sanitarlyq-epidemiologiialyq qadaǵalaý komitetiniń qurylymynda jetekshi mamannan bastap tóraiymǵa deiin túrli laýazymdardy atqarǵan.
2014 jyly – QR Tutynýshylardyń quqyqtaryn qorǵaý agenttiginiń epidemiologiialyq qadaǵalaý departamentiniń direktory – bas memlekettik sanitarlyq dárigerdiń orynbasary.
2014-2017 jyldary — QR UEM Tutynýshylardyń quqyqtaryn qorǵaý komitetiniń epidemiologiialyq qadaǵalaý basqarmasynyń basshysy.
2017 jyly — QR DSM strategiialyq damý jáne qoǵamdyq densaýlyq saqtaý departamentiniń direktory.
2017-2020 jyldary — QR qoǵamdyq densaýlyq saqtaý saiasaty departamentiniń direktory.
2020 jylǵy 23 maýsymnan bastap qazirgi ýaqytqa deiin QR DSM Taýarlar men kórsetiletin qyzmetterdiń sapasy men qaýipsizdigin baqylaý komiteti tóraǵasynyń orynbasary qyzmetin atqardy.
