Ortalyq kommýnikatsiialar qyzmetinde ótken brifingte sanitarlyq-epidemiologiialyq baqylaý komitetiniń tóraiymy Aijan Esmaǵambetova aimaqtardaǵy jaǵdailardyń naqty sanyn jasyrý týraly aqparatqa túsinikteme berdi, dep habarlaidy "Ult aqparat".
«Keshe Memleket basshysy koronavirýs boiynsha resmi statistikany jasaýǵa qatysty problemalar bar ekenin aitty. Munyń sýbektivti jáne obektivti sebepteri bar. Testileý týraly aitatyn bolsaq, onyń qýaty únemi artyp keledi. Eger jazda testen ótkizý qýaty shamamen 40 myń jáne 56 zerthanany ǵana qamtyǵan bolsa, búginde 140 zerthanada 80 myńǵa jýyq testileý ótkiziledi», - deidi sanitarlyq-epidemiologiialyq baqylaý komitetiniń tóraiymy Aijan Esmaǵambetova.
Onyń aitýynsha, epidemiologiialyq tergeý júrgizý úshin synamany aýmaqtyq departamentterge berý óte mańyzdy faktor sanalady.
Búgingi kúni aimaqtarǵa júrgizilgen monitoring barlyq zerthanada aýmaqtyq zerthanalardyń integratsiialanǵan júiesi joq ekenin kórsetti. Tiisinshe, oń zertteýlerdiń nátijesi ýaqytyly berilmeidi.
«Iaǵni, eskerilmegen jaǵdailar boldy. Ár jaǵdai boiynsha mindetti túrde shuǵyl habarlama jiberilgen faktiler áli de bar. Monitoring sapary kezinde biz bul shuǵyl habarlamaǵa epidemiologiialyq tergeý júrgizý úshin bizdiń aýmaqtyq departamentke árdaiym jiberilip otyrmaǵan faktiler bolǵanyn da kórdik», - deidi ol.
Eske sala keteiik, keshe koronavirýs indetiniń taralýyna qarsy is-qimyl jónindegi keńeste Qasym-Jomart Toqaev kei óńirlerdegi koronavirýs juqtyrý faktilerin jasyrý jaǵdailaryn synǵa alǵan bolatyn.
«Birqatar oblystarda koronavirýs indetine qatysty jańa jaǵdailardy jasyrý derekteri anyqtaldy. Áńgime Shyǵys Qazaqstan, Soltústik Qazaqstan, Pavlodar, Aqmola, Qostanai jáne basqa da oblystar jaiynda bolyp otyr. Ótirikti shyndai sóiletý asa qaýipti qubylys ekenin túsiný kerek» degen bolatyn Memleket basshysy.
