Qazaqstan Respýblikasynyń Ulttyq Banki 2021 jyly 3 naýryzda 2006 jylǵy úlgidegi nominaly 1 000 teńgelik banknottardy aiyrbastaý kezeńiniń aiaqtalatynyn eske salady, dep habarlaidy «Ult aqparat».
2006 jylǵy úlgidegi nominaly 1000 teńgelik banknottardy aiyrbastaý 2017 jyldyń 2 naýryzynda bastaldy, endi ol 2021 jyldyń 3 naýryzyna deiin jalǵasady. Kórsetilgen merzimnen keiin Ulttyq Banktiń filialdary atalǵan banknottardy qabyldaý men aiyrbastaýdy toqtatady.
Banknottardy qoldanystaǵy aqsha belgilerine aiyrbastaý tek qana Ulttyq Banktiń filialdarynda júzege asyrylady. Filialdardyń meken-jaiy men bailanys telefondary Ulttyq Banktiń saitynda kórsetilgen.
Qosymsha suraqtar týyndaǵan jaǵdaida, Ulttyq Banktiń 1477 nómiri boiynsha Bailanys-ortalyǵyna habarlasýǵa bolady.
