24 maýsymnan bastap Qazaqstanda 2012 jylǵy úlgidegi 2000 teńgelik banknottardyń qatar ainalym merzimi aiaqtalady, dep habarlaidy ult.kz.
Ulttyq bank málimetinshe, osy kúnnen keiin de azamattar eski úlgidegi kýpiýralardy úsh jyl boiy ekinshi deńgeili bankter men «Qazposhta» bólimshelerinde jańa banknottarǵa aiyrbastai alady. Al Ulttyq banktiń filialdary olardy merzimsiz qabyldai beredi.
Buǵan deiin 2012 jylǵy úlgidegi 10 myń teńgelik banknottyń da maýsym aiynyń sońynda ainalymnan shyǵatyny habarlanǵan edi. Alaida Ulttyq bank onyń qatar ainalym merzimin 2027 jyldyń shildesine deiin uzartty.
Retteýshi bul sheshimdi 2 myń jáne 10 myń teńgelik banknottardyń ainalymyn bir mezette toqtatý bank júiesine qosymsha júkteme túsirýi múmkin ekenimen túsindirdi. Sondai-aq bul azamattar men kásipkerlerge eski kýpiýralardy jańa úlgige birtindep aýystyrýǵa múmkindik beredi.
Aita keteiik, buǵan deiin áleýmettik jelilerde birden birneshe nominaldaǵy banknottar ainalymnan shyǵatyny týraly aqparat taraǵan bolatyn. Alaida ázirge 2012 jylǵy úlgidegi 2000 teńgelik banknottyń ǵana qatar ainalym merzimi aiaqtalyp otyr.
