Esirtki satýmen ainalysqan eki qylmystyq top joiyldy. Bul týraly QR IIM Esirtki qylmysyna qarsy is-qimyl departamentiniń basqarma bastyǵy Berikhan Nurǵaliev aitty, dep habarlaidy "Ult aqparat".
«Osy jyldyń 1-toqanynda 861 esirtki qylmysy anyqtaldy. Onyń ishinde 602 satý jáne 163 asa iri mólsherde esirtki saqtaý faktisi bar. 1 tonnadan astam túrli esirtki zaty, naqtyraq aitqanda 3 keli geroin, 764 keli marihýana, 252 keli gashish jáne 25 kelige jýyq sintetikalyq esirtki tárkilendi», - dedi ol IIM baspasóz qyzmeti alańynda ótken brifing barysynda.
Onyń atap ótýinshe, esirtki satýmen jáne saqtaýmen ainalysatyn 2 uiymdasqan qylmystyq top joiyldy.
«Qylmystyq jaýapkershilikke 2 kóshbasshysy jáne toptyń 11 qatysýshysyn tartylýda. Qylmystyq jolmen alynǵan jalpy somasy 11 mln teńgeden asatyn aqsha qarajatyn zańdastyrýdyń bir faktisi tirkeldi», - dedi Berikhan Nurǵaliev.
