Kollaj: Ulysmedia.kz
Almaty jáne Jambyl oblysy boiynsha monopoliiaǵa qarsy departamentter "Qazfosfat" JShS-ine qatysty tergeýdi aiaqtady, dep habarlaidy Ulysmedia.kz.
Eske sala keteiik, sáýir aiynda Básekelestikti qorǵaý jáne damytý agenttigi "Samuryq-Qazyna" eks-basshysy Ahmetjan Esimovtyń kúieý balasy Ǵalymjan Esenovqa tiesili "Qazfosfat" kompaniiasyna qatysty tergeý bastalǵanyn habarlaǵan bolatyn. 2021 jylǵy qarashada kompaniia ammofos baǵasyn 125 myń teńgeden 168 750 teńgege deiin kóterdi – jyldyń basymen salystyrǵanda baǵanyń ósýi 35%-dy qurady. 2022 jylǵy qańtarda baǵa 2021 jylǵy qańtarmen salystyrǵanda 48,5%-ǵa ulǵaiyp, 185 625 teńgeni qurady.
Tergeý nátijeleri boiynsha "Qazfosfat" JShS-ine qatysty materialdar sotqa deiingi tergeý júrgizý úshin Qarjy monitoringi agenttiginiń Almaty ekonomikalyq tergeý departamentine berildi. Materialdardy qaitarǵan jaǵdaida nusqama engize otyryp, ákimshilik quqyq buzýshylyq týraly is qozǵalady.
Sonymen qatar, "Qazfosfat" baǵany tonnasyna 173 myń teńgege deiin tómendetýge májbúr boldy. Kompaniia eski jáne jańa baǵa arasyndaǵy aiyrmashylyqty klientterge ammofostyń qosymsha kólemi túrinde qaitarýdy bastady. Aiyrmashylyqtyń qorytyndy somasy 2,8 mlrd teńgeni qurady.
2021 jyldyń sońynda "Qazfosfat" Forbes Kazakhstan tiziminde 154,86 mlrd teńge túsimmen 50 iri jekemenshik kompaniia arasynda 14-orynnan kórindi. Esenov kompaniiany Esimovtiń qyzyna úilengen jyly $120 mln-ǵa satyp alǵan.
"Qazfosfat" JShS quryltaishylary – Niderlandyda tirkelgen Kazakhmys Resources B.V. kompaniiasy, sondai-aq Májilistiń eks-tóraǵasy Nurlan Nyǵmatýlinniń uldary – Nurhan jáne Nurjan Nurlanovtar. Kompaniianyń bas direktory – Nurhan Nurlanov.
