كوللاج: Ulysmedia.kz
الماتى جەنە جامبىل وبلىسى بويىنشا مونوپوليياعا قارسى دەپارتامەنتتەر "قازفوسفات" جشس-ٸنە قاتىستى تەرگەۋدٸ اياقتادى, دەپ حابارلايدى Ulysmedia.kz.
ەسكە سالا كەتەيٸك, سەۋٸر ايىندا بەسەكەلەستٸكتٸ قورعاۋ جەنە دامىتۋ اگەنتتٸگٸ "سامۇرىق-قازىنا" ەكس-باسشىسى احمەتجان ەسٸموۆتىڭ كٷيەۋ بالاسى عالىمجان ەسەنوۆقا تيەسٸلٸ "قازفوسفات" كومپانيياسىنا قاتىستى تەرگەۋ باستالعانىن حابارلاعان بولاتىن. 2021 جىلعى قاراشادا كومپانييا امموفوس باعاسىن 125 مىڭ تەڭگەدەن 168 750 تەڭگەگە دەيٸن كٶتەردٸ – جىلدىڭ باسىمەن سالىستىرعاندا باعانىڭ ٶسۋٸ 35%-دى قۇرادى. 2022 جىلعى قاڭتاردا باعا 2021 جىلعى قاڭتارمەن سالىستىرعاندا 48,5%-عا ۇلعايىپ, 185 625 تەڭگەنٸ قۇرادى.
تەرگەۋ نەتيجەلەرٸ بويىنشا "قازفوسفات" جشس-ٸنە قاتىستى ماتەريالدار سوتقا دەيٸنگٸ تەرگەۋ جٷرگٸزۋ ٷشٸن قارجى مونيتورينگٸ اگەنتتٸگٸنٸڭ الماتى ەكونوميكالىق تەرگەۋ دەپارتامەنتٸنە بەرٸلدٸ. ماتەريالداردى قايتارعان جاعدايدا نۇسقاما ەنگٸزە وتىرىپ, ەكٸمشٸلٸك قۇقىق بۇزۋشىلىق تۋرالى ٸس قوزعالادى.
سونىمەن قاتار, "قازفوسفات" باعانى تونناسىنا 173 مىڭ تەڭگەگە دەيٸن تٶمەندەتۋگە مەجبٷر بولدى. كومپانييا ەسكٸ جەنە جاڭا باعا اراسىنداعى ايىرماشىلىقتى كليەنتتەرگە امموفوستىڭ قوسىمشا كٶلەمٸ تٷرٸندە قايتارۋدى باستادى. ايىرماشىلىقتىڭ قورىتىندى سوماسى 2,8 ملرد تەڭگەنٸ قۇرادى.
2021 جىلدىڭ سوڭىندا "قازفوسفات" Forbes Kazakhstan تٸزٸمٸندە 154,86 ملرد تەڭگە تٷسٸممەن 50 ٸرٸ جەكەمەنشٸك كومپانييا اراسىندا 14-ورىننان كٶرٸندٸ. ەسەنوۆ كومپانييانى ەسٸموۆتٸڭ قىزىنا ٷيلەنگەن جىلى $120 ملن-عا ساتىپ العان.
"قازفوسفات" جشس قۇرىلتايشىلارى – نيدەرلاندىدا تٸركەلگەن Kazakhmys Resources B.V. كومپانيياسى, سونداي-اق مەجٸلٸستٸڭ ەكس-تٶراعاسى نۇرلان نىعماتۋليننٸڭ ۇلدارى – نۇرحان جەنە نۇرجان نۇرلانوۆتار. كومپانييانىڭ باس ديرەكتورى – نۇرحان نۇرلانوۆ.
