"Astana EKSPO-2017" UK" AQ basshysy Ahmetjan Esimov Qazaqstan Prezidenti Nursultan Nazarbaevqa EKSPO-2017 kórmesine daiyndyq barysy týraly baiandady, dep xabarlaidy QazAqparat.
"Qazirgi ýaqytta EKSPO-nyń 20 nysanynyń 18-i aiaqtaldy. Eki nysan salyný ústinde, olar - Kongress ortalyq (jańa Kongress holl saraiy - red.) pen qonaqúi. Kongress ortalyq Sizdiń tapsyrmańyzben qaita jobalandy. Qonaqúi de bergen eskertýlerińizdiń negizinde ózgertildi. Sonymen qatar investorlar tartyldy. Nátijesinde onyń quny 20 mlrd. teńgege qysqardy. Investorlardyń salǵan qarajatyn eskersek, memlekettik biýdjet qarjysynyń shyǵyny 30 mlrd. teńgege deiin qysqarady. Kongress ortalyq ta qaita jobalandy, sonyń arqasynda onyń fýnktsionaldyq múmkindigi keńeidi jáne odan 9 mlrd teńge únemdeýge múmkindik týdy. Bul eki nysannyń qurylysy mamyr aiynyń sońynda aiaqtalýy tiis. Shetel prezidentterin osy jerde qarsy alamyz, EKSPO-nyń ashylýy osynda bolady", - dep atap ótti A. Esimov.
Onyń sózinshe, EKSPO-nyń 115 qatysýshy memlekettiń 110-y óz pavilondaryn aldy, 90-y - bezendirýge kiristi. Eń basty - "Nur Álem" pavilonyn bezendirýge Italiia, Ispaniia jáne Shveitsariia áriptesterimen birge "Cembol" kompaniiasy ainalysýda.
Qatysýshylarǵa qyzmet kórsetý ortalyǵy iske qosyldy. Ol bir tereze printsipi boiynsha jumys isteidi. Búgingi tańda 28 myńnan astam adam akkreditatsiiadan ótti. 500 BAQ ókiline arnalǵan baspasóz ortalyǵy quryldy. Kórmeniń qaýipsizdigin qamtamasyz etý ortalyǵy da ashyldy. Sonymen qatar kedendik qyzmeti bar logistikalyq ortalyq uiymdastyryldy.
"Astanaǵa EKSPO kezinde 2,3 million týrist keledi. Kórmege kelýshiler sany 5 mln. adamdy quraityny josparlanýda. Qazirgi tańda 930 myń bilet satyldy. Biletterdi 44 shet memleketter de satyp aldy", - dedi ol.
