"استانا ەكسپو-2017" ۇك" اق باسشىسى احمەتجان ەسٸموۆ قازاقستان پرەزيدەنتٸ نۇرسۇلتان نازارباەۆقا ەكسپو-2017 كٶرمەسٸنە دايىندىق بارىسى تۋرالى باياندادى, دەپ xابارلايدى قازاقپارات.
"قازٸرگٸ ۋاقىتتا ەكسپو-نىڭ 20 نىسانىنىڭ 18-ٸ اياقتالدى. ەكٸ نىسان سالىنۋ ٷستٸندە, ولار - كونگرەسس ورتالىق (جاڭا كونگرەسس حولل سارايى - رەد.) پەن قوناقٷي. كونگرەسس ورتالىق سٸزدٸڭ تاپسىرماڭىزبەن قايتا جوبالاندى. قوناقٷي دە بەرگەن ەسكەرتۋلەرٸڭٸزدٸڭ نەگٸزٸندە ٶزگەرتٸلدٸ. سونىمەن قاتار ينۆەستورلار تارتىلدى. نەتيجەسٸندە ونىڭ قۇنى 20 ملرد. تەڭگەگە قىسقاردى. ينۆەستورلاردىڭ سالعان قاراجاتىن ەسكەرسەك, مەملەكەتتٸك بيۋدجەت قارجىسىنىڭ شىعىنى 30 ملرد. تەڭگەگە دەيٸن قىسقارادى. كونگرەسس ورتالىق تا قايتا جوبالاندى, سونىڭ ارقاسىندا ونىڭ فۋنكتسيونالدىق مٷمكٸندٸگٸ كەڭەيدٸ جەنە ودان 9 ملرد تەڭگە ٷنەمدەۋگە مٷمكٸندٸك تۋدى. بۇل ەكٸ نىساننىڭ قۇرىلىسى مامىر ايىنىڭ سوڭىندا اياقتالۋى تيٸس. شەتەل پرەزيدەنتتەرٸن وسى جەردە قارسى الامىز, ەكسپو-نىڭ اشىلۋى وسىندا بولادى", - دەپ اتاپ ٶتتٸ ا. ەسٸموۆ.
ونىڭ سٶزٸنشە, ەكسپو-نىڭ 115 قاتىسۋشى مەملەكەتتٸڭ 110-ى ٶز پاۆيلوندارىن الدى, 90-ى - بەزەندٸرۋگە كٸرٸستٸ. ەڭ باستى - "نۇر ەلەم" پاۆيلونىن بەزەندٸرۋگە يتالييا, يسپانييا جەنە شۆەيتسارييا ەرٸپتەستەرٸمەن بٸرگە "Cembol" كومپانيياسى اينالىسۋدا.
قاتىسۋشىلارعا قىزمەت كٶرسەتۋ ورتالىعى ٸسكە قوسىلدى. ول بٸر تەرەزە پرينتسيپٸ بويىنشا جۇمىس ٸستەيدٸ. بٷگٸنگٸ تاڭدا 28 مىڭنان استام ادام اككرەديتاتسييادان ٶتتٸ. 500 باق ٶكٸلٸنە ارنالعان باسپاسٶز ورتالىعى قۇرىلدى. كٶرمەنٸڭ قاۋٸپسٸزدٸگٸن قامتاماسىز ەتۋ ورتالىعى دا اشىلدى. سونىمەن قاتار كەدەندٸك قىزمەتٸ بار لوگيستيكالىق ورتالىق ۇيىمداستىرىلدى.
"استاناعا ەكسپو كەزٸندە 2,3 ميلليون تۋريست كەلەدٸ. كٶرمەگە كەلۋشٸلەر سانى 5 ملن. ادامدى قۇرايتىنى جوسپارلانۋدا. قازٸرگٸ تاڭدا 930 مىڭ بيلەت ساتىلدى. بيلەتتەردٸ 44 شەت مەملەكەتتەر دە ساتىپ الدى", - دەدٸ ول.
