Maýsymnyń basynan beri Astana áýejaiyna 140 myń sheteldik meiman keldi. Bul týraly búgin týrizm jáne bolashaq energiiasyna arnalǵan halyqaralyq konferentsiiada «Astana EKSPO-2017» UK» AQ Basqarma tóraǵasy Ahmetjan Esimov málim etti, dep habarlaidy "Ult aqparat".
«EKSPO-2017» kórmesi aýmaǵyndaǵy «Nur Álem» sferasy óziniń biregei sáýletimen jáne ishindegi mazmundyq kórinisimen adamdardy qyzyqtyratynyna toqtalǵan Esimov, sońǵy kúnderi oǵan 150 myńǵa jýyq adam barǵanyn jetkizdi.
Onyń sózine qaraǵanda, jalpy EKSPO-ǵa 400 myń adam bardy.
«Kórmege álemniń kóptegen elinde qyzyǵýshylyq tanytty. Bul aitýly sharaǵa biletterdi 55 eldiń azamattary satyp aldy. Osy rette týristerdiń kóp kelip jatqanyn baiqaýdamyz. Maýsymnyń basynan beri Astana áýejaiyna 140 myń sheteldik meiman keldi, bul óz kezeginde ótken jyldyń sáikes kezeńimen salystyrǵanda úsh esege artyq», - dedi Basqarma tóraǵasy.
Belgili bolǵandai, kórmede eriktiler retinde 46 eldiń ókilderi qyzmet etýde.
Budan bólek, A. Esimov kórmeni halyqaralyq deńgeide nasihattaýda eleýli jumystar atqarylǵanyn, osy rette búginde 1,5 mlrd adam qamtylǵanyn, al kórme sońyna deiin bul kórsetkish 2,5 mlrd adamǵa jetetinin sóz etti.
Kórme jaiynda aqparat halyqaralyq iri áýejailarda jáne ózge de mańyzdy nysandarda ornalastyrylýda, sondai-aq Google kompaniiasymen strategiialyq yntymaqtastyq iske asyrylyp, jarnamalar aldyńǵy qatarly álemdik telearnalarda kórsetilýde.
«EKSPO-2017» kórmesiniń saltanatty ashylýynan sheteldiń BAQ-tyń 800-den astam ókili habar taratty. Kóptegen elderde bul shara tikelei efirde kórsetildi», - dedi ol.
Esterińizge sala keteiik, ótken aptada Axmetjan Esimov EKSPO-ny kórip ketý kórsetkishi qanshaǵa jetkenin habarlaǵan bolatyn.
