Respýblikalyq biýdjettiń atqarylýyn baqylaý jónindegi esep komitetiniń tóraǵasy Natalia Godýnova Ulttyq qordan bólinetin qarajattyń tiimsiz paidalaný derekterin synǵa aldy, dep habarlaidy QazAqparat.
«Biýdjettiń shekteýli múmkindikterine qaramastan, 2021 jyly elimizde 1,1 myń jańa joba bastalǵan. Jobalardyń 90 paiyzy Ulttyq qor qarajaty esebinen júzege asyryldy», - dedi Godýnova Senattyń jalpy otyrysynda 2021 jylǵy biýdjettiń oryndalýy týraly esepti qaraý kezinde.
Onyń aitýynsha, byltyr jospar boiynsha 64 joba aiaqtalmai qalǵan.
«Ulttyq qor qarjatyn jumsaý bekitilgen tujyrymdamaǵa sai kelmeidi. Ekinshiden, bul baǵyttaǵy qadamdar álemdik ekonomikanyń damýy boljamyna qarama-qaishy», - dedi Esep komitetiniń basshysy.
Osy oraida ol Dúniejúzilik banktiń aqparaty boiynsha álemdik ekonomikanyń ósý qarqyny asa joǵary bolmaitynyn, sondai-aq basqa da syrtqy faktorlar elimizdiń ekonomikasyna áser etýi múmkin ekenin aitty. Sondyqtan Qazaqstan Úkimeti bul táýekelderge daiyn bolýy kerek.
«Biyl bizdi munai baǵasynyń joǵary bolýy qutqaryp tur. Alaida Ulttyq qordan bólingen qarajattyń birazyn qazirgi qalypty is-sharalarǵa baǵyttaimyz», - dedi Godýnova.
