رەسپۋبليكالىق بيۋدجەتتٸڭ اتقارىلۋىن باقىلاۋ جٶنٸندەگٸ ەسەپ كوميتەتٸنٸڭ تٶراعاسى ناتاليا گودۋنوۆا ۇلتتىق قوردان بٶلٸنەتٸن قاراجاتتىڭ تيٸمسٸز پايدالانۋ دەرەكتەرٸن سىنعا الدى, دەپ حابارلايدى قازاقپارات.
«بيۋدجەتتٸڭ شەكتەۋلٸ مٷمكٸندٸكتەرٸنە قاراماستان, 2021 جىلى ەلٸمٸزدە 1,1 مىڭ جاڭا جوبا باستالعان. جوبالاردىڭ 90 پايىزى ۇلتتىق قور قاراجاتى ەسەبٸنەن جٷزەگە اسىرىلدى», - دەدٸ گودۋنوۆا سەناتتىڭ جالپى وتىرىسىندا 2021 جىلعى بيۋدجەتتٸڭ ورىندالۋى تۋرالى ەسەپتٸ قاراۋ كەزٸندە.
ونىڭ ايتۋىنشا, بىلتىر جوسپار بويىنشا 64 جوبا اياقتالماي قالعان.
«ۇلتتىق قور قارجاتىن جۇمساۋ بەكٸتٸلگەن تۇجىرىمداماعا ساي كەلمەيدٸ. ەكٸنشٸدەن, بۇل باعىتتاعى قادامدار ەلەمدٸك ەكونوميكانىڭ دامۋى بولجامىنا قاراما-قايشى», - دەدٸ ەسەپ كوميتەتٸنٸڭ باسشىسى.
وسى ورايدا ول دٷنيەجٷزٸلٸك بانكتٸڭ اقپاراتى بويىنشا ەلەمدٸك ەكونوميكانىڭ ٶسۋ قارقىنى اسا جوعارى بولمايتىنىن, سونداي-اق باسقا دا سىرتقى فاكتورلار ەلٸمٸزدٸڭ ەكونوميكاسىنا ەسەر ەتۋٸ مٷمكٸن ەكەنٸن ايتتى. سوندىقتان قازاقستان ٷكٸمەتٸ بۇل تەۋەكەلدەرگە دايىن بولۋى كەرەك.
«بيىل بٸزدٸ مۇناي باعاسىنىڭ جوعارى بولۋى قۇتقارىپ تۇر. الايدا ۇلتتىق قوردان بٶلٸنگەن قاراجاتتىڭ بٸرازىن قازٸرگٸ قالىپتى ٸس-شارالارعا باعىتتايمىز», - دەدٸ گودۋنوۆا.
