Qazaqstan Respýblikasynyń Prezidenti Nursultan Nazarbaevtyń Jarlyǵymen Respýblikalyq biýdjettiń atqarylýyn baqylaý jónindegi esep komitetiniń tóraiymy taǵaiyndaldy, dep habarlaidy Aqordanyń baspasóz qyzmeti.
«Natalia Nikolaevna Godýnova Respýblikalyq biýdjettiń atqarylýyn baqylaý jónindegi esep komitetiniń tóraiymy bolyp taǵaiyndalsyn», -delingen Jarlyqta.
Sondai-aq, Memleket basshysynyń Jarlyǵymen Nurmuhambet Qanapiiauly Ábdibekov Respýblikalyq biýdjettiń atqarylýyn baqylaý jónindegi esep komitetiniń tóraǵasy qyzmetinen bosatyldy.
Natalia Nikolaevna Godýnova 1972 jyly 24 mamyrda Oral qalasynda dúniege kelgen. 1993 jyly Batys Qazaqstan aýylsharýashylyq institýtyn bitirgen. Resei Federatsiiasy Úkimeti janyndaǵy Qarjy akademiiasynyń túlegi.
Eńbek joly:
1993-1996 j.j. Oral qalasyndaǵy «Agroprombank «Oral» ekonomisi;
1997-1998 j.j. Batys Qazaqstan memlekettik múlik jáne jekeshelendirý aýmaqtyq komitetiniń jetekshi mamany, basshysynyń orynbasary, basshysy;
1998-2004 j.j. Batys Qazaqstan oblysy ákimdiginiń apparaty ekonomikalyq reforma bóliminiń bas mamany, bólim bastyǵy;
2004-2005 j.j. Batys Qazaqstan oblysy ekonomika jáne biýdjetti josparlaý departamentiniń direktory;
2005-2006 j.j. Resei Federatsiiasyndaǵy Qazaqstan Respýblikasy Saýda ókildiginiń ekonomist-keńesshisi;
2006-2009 j.j. Mańǵystaý oblysy ákiminiń keńesshisi 2009-2012 j.j. Resei Federatsiiasyndaǵy Qazaqstan Respýblikasy Saýda ókiliniń qyzmetin atqarýshy;
2012-2013 j.j. Qazaqstan Respýblikasy Premer-Ministri orynbasarynyń keńesshisi;
2013-2015 j.j. Qyzylorda oblysy ákiminiń orynbasary 2015 -2017 jyldar aralyǵynda «Nur Otan» partiiasynyń Hatshysy;
2017 jyly 20 jeltoqsanda QR Parlamenti Májilisiniń plenarlyq otyrysynda Qazaqstan Respýblikasy Ortalyq sailaý komissiiasynyń músheci laýazymyna taǵaiyndaldy.
