Esep komitetiniń tóraiymy Natalia Godýnovanyń tóraǵalyǵymen vedomstvonyń 2021 jylǵy jumysyn qorytyndylaý jáne 2022 jylǵa arnalǵan mindetter jónindegi keńes ótti, dep habarlaidy QazAqparat.
Keńeste Memleket basshysynyń jaqynda ótken Úkimettiń keńeitilgen otyrysynda Esep komitetine bergen tapsyrmalaryn oryndaý máseleleri talqylanǵan.
Komitettiń málimetinshe, ótken jyly 155 nysanda 32 trln teńgege aýdit júrgizilgen.
Esep komiteti 1,7 trln teńge bolatyn buzýshylyqtardy anyqtady, onyń ishinde: qarjylyq buzýshylyqtar - 399 mlrd teńgege; tiimsiz josparlaý - 255 mlrd teńgege jáne tiimsiz paidalanylǵan biýdjet qarajaty, memleket aktivteri - 1 trln teńgeden asady.
Onyń 29,1 mlrd teńgesi qalpyna keltirilip, memlekettik biýdjetke quiylǵan.
Úkimet pen memlekettik organdarǵa 81 usynym men 511 tapsyrma berilgen. 199 laýazymdy tulǵa tártiptik jaýapkershilikke tartyldy,onyń ishinde 34 joǵary býyn basshysy bar.
75 jeke jáne zańdy tulǵa ákimshilik jaýapkershilikke tartylyp, 56 aýdit materialdary quqyq qorǵaý organdaryna jiberilgen.
