Respýblikalyq biýdjettiń atqarylýyn baqylaý jónindegi esep komiteti "QazMunaiGaz" jumysyndaǵy zańbuzýshylyqtardy anyqtady, - dep habarlaidy Tengrinews.kz tilshisi vedomstvo baspasóz qyzmetine silteme jasap.
2021 jyldyń mamyrynda "QazMunaiGaz" UK" AQ jáne onyń jekelegen vedomstvolyq uiymdarynyń aktivterin basqarý tiimdiligine aýdit júrgizilgen.
Aýdit barysynda eńbek zańnamasynyń kemshilikteri anyqtalǵan. Bul kemshilik 16 saǵat kólemindegi jumys ýaqyty esebimen bir ýaqytta birneshe basshylyq laýazymdardy biriktirýge múmkindik beretini atap ótildi.
"Basqarma tóraǵasynyń orynbasary (qashyqtan) qyzmeti enshiles uiymnyń bas direktory laýazymymen biriktirilgen", - delingen habarlamada.
Sondai-aq, "Nysandardy salý jónindegi seriktestik" korporativtik qory Túrkistan oblysyndaǵy amfiteatr qurylysyna bólingen 307 million 938 myń teńgeden únemdelgen qarajatty qaitarmaǵany anyqtaldy.
Sotaldy aryzdan keiin korporativtik qor "QazMunaiGazdyń" esep aiyrysý shotyna kórsetilgen aqsha somasyn qaitarǵany habarlandy.
