QR Respýblikalyq biýdjettiń atqarylýyn baqylaý jónindegi Esep komitetiniń tóraǵasy Natalia Godýnova biýdjetti josparlaýdyń birjyldyq júiesine qaita kóshýdi usyndy, dep habarlaidy QazAqparat.
«Biyl bir jaǵynan qarabaiyr bolyp kóringenimen, óte mańyzdy másele kún tártibine shyqty. Biýdjet jobasy bekitilgen jaǵdaida tolyqtai qalyptastyrylýy kerek degen talap qoiyldy. Biýdjettiń damýǵa bólingen bóligi tolyq qamtamasyz etilip, shyǵystar jaǵy jetkiliksiz bolýy múmkin emes. Sondyqtan qalai bolǵanda da, bul qajettilikti jyldyń ortasynda Ulttyq qordan jabýǵa týra keledi», – dedi Natalia Godýnova Parlamenttiń birlesken otyrysynda.
Onyń sózine qaraǵanda, bul iste biýdjet táýekelderin tiimdi basqarý mańyzdy.
«Úshjyldyq biýdjet degen formaldy dúnie ǵana bolyp qalǵany barshaǵa aian. Úsh jyldyq biýdjetti qalyptastyrýdyń ózine ǵana óte kóp ýaqyt ketip jatyr. Al naqtylaý jáne túzetý kezinde alǵashqy bir jyly ǵana eskeriledi. Qalǵan eki jylyna mán de bermeimiz. Kelesi kezeńge biýdjet josparlaǵan kezde ótken joly qoldaý tapqan shyǵystardyń bir bóligi túsip qalýy da múmkin. Saldarynan aiaqsyz qalǵan jobalar, qurylysy bitpei qalǵan nysandar paida bolady. Bizdiń oiymyzsha, birjyldyq biýdjet josparlaý júiesine oralý máselesin kóteretin kez keldi», - dedi komitet basshysy.
